ირაკლი ოქრუაშვილი - ნიშნის მოგებით კომენტარებისა და რევანშისტული განცხადებების ნაცვლად, ქვეყანა მშვიდი განვითარების რეჟიმში უნდა გადავიყვანოთ

ეს ყველაფერი უნდა დასრულდეს იმით, რომ გიორგი რურუამ საპატიმრო უნდა დატოვოს , - ამის შესახებ „გამარჯვებული საქართველოს“ ლიდერმა, თავდაცვის ყოფილმა მინისტრმა ირაკლი ოქრუაშვილმა განაცხადა.

მისი შეფასებით, ქვეყანაში შექმნილი მძიმე პოლიტიკური სიტუაცია უნდა განიმუხტოს.

„ეს ყველაფერი უნდა დასრულდეს იმით, რომ გიორგი რურუამ საპატიმრო უნდა დატოვოს. ეჭვი არ მეპარება, რომ ეს ყველაფერი ქვეყნის სასარგებლოდ დასრულდება და არა რომელიმე კონკრეტული პოლიტიკური ჯგუფის, პოლიტიკური პარტიის. პირველ რიგში, ქვეყანას სიმშვიდე, პოზიტიური გზავნილები სჭირდება იმისთვის, რომ მძიმე ეკონომიკური პოლიტიკური კრიზისიდან ამოვიდეთ და ის მძიმე პოლიტიკური სიტუაცია განიმუხტოს, რომელიც შექმნილია. თუ ასეთი გზავნილები არ იქნება, ბუნებრივია, გარედანაც შესაბამისი ზეწოლა იქნება. ასე რომ, ყველამ უნდა მოვინდომოთ. ნაცვლად ნიშნის მოგებით კომენტარებისა და რევანშისტული განცხადებებისა, ქვეყანა მშვიდი განვითარების რეჟიმში უნდა გადავიყვანოთ“,-განაცხადა ოქრუაშვილმა.

მისი ვარაუდით, პრეზიდენტმა მისი და გიგი უგულავას გათავისუფლების თაობაზე გადაწყვეტილება არა დამოუკიდებლად, არამედ ბიძინა ივანიშვილთან ერთად მიიღო.

„ეჭვი არ მეპარება, რადგან ამ შემთხვევაში, ხელისუფლების სახელით ყველა შტოში, აბსოლუტურად ყველა გადაწყვეტილებას, ერთი ადამიანი იღებს, ეს არის ივანიშვილი“, - განაცხადა ოქრუაშვილმა.

მან სამომავლო გეგმებზეც ისაუბრა და აღნიშნა, რომ გეგმავს ოპოზიციის გაძლიერებაში თავისი წვლილი შეიტანოს, რათა მათ ივანიშვილის რეჟიმი არჩევნების გზით, მშვიდობიანად დაამარცხონ.

„8 მარტის შეთანხმება იყო ისტორიული დოკუმენტი, არა მხოლოდ საარჩევნო პროცესის გაუმჯობესების ან საარჩევნო გარემოს ცვლილების ან სისტემის შესახებ, ეს იყო დოკუმენტი ქვეყანაში ოქტომბრის არჩევნების შედეგად ხელისუფლების მშვიდობიანი ცვლილების შესახებ. ვინც დღემდე ამას ვერ მიხვდა, შეუძლია, ამის მერე გაითვალისწინოს და გააანალიზოს. ვაპირებ, რომ ამ პროცესში გარკვეული წვლილი შევიტანო, როგორც ოპოზიციის კონსოლიდაციის და გაძლიერების თვალსაზრისით, ასევე იმ მიზნისთვის, რომ ოპოზიციამ საბოლოოდ შეძლოს ივანიშვილის ხელისუფლების მშვიდობიანად გაცილება“, - განაცხადა ოქრუაშვილმა გადაცემაში „პოლიტიკის ფორმულა“.

კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
თენგიზ ფხალაძე - ბაიდენის ადმინისტრაცია „იალტისთვის“ არ ემზადება, ვაშინგტონში კარგად იციან რას მოასწავებს მსოფლიოსთვის რუსეთთან გავლენის სფეროებზე დათანხმება და პოსტსაბჭოთა სივრცეში მისთვის კარტ-ბლანშის მიცემა
ქართული პრესის მიმოხილვა 11.06.2021
ვაჟა ბერიძე - პრობლემა გახარია არაა, პრობლემა ქართველი ხალხია, რომელსაც არც „ოცნება“ უნდა ხელისუფლებაში, მითუმეტეს, ივანიშვილის გარეშე  და არც პრონაციონალური კოალიცია, სააკაშვილით, ან მის გარეშე
მამუკა გონგაძე -  საერთაშორისო  ჩართულობა სიმბოლოების რეფორმას გვიადვილებს
“საერთაშორისო სავალუტო ფონდის" მუდმივი წარმომადგენელი საქართველოში სელიმ ჩეკირი - საპენსიო სისტემას ქვეყნის ეკონომიკისთვის დიდი მნიშვნელობა აქვს
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ხელფასი გათამაშდა