თერჯოლაში ე.წ. ცხელების ცენტრის პაციენტს ნარკოტიკული საშუალება აღმოაჩნდა

თერჯოლაში, ე.წ. ცხელების ცენტრში მოთავსებულ პირს დიდი ოდენობით ნარკოტიკული საშუალება აღმოაჩნდა. 36 წლის მამაკაცი გერმანიიდან 9 მაისს ჩამოფრინდა. ის თბილისში, კარანტინში იმყოფებოდა, ფსიქიკური პრობლემების გამო, კი თერჯოლის კლინიკაში გადაიყვანეს.

კლინიკა "იმერმედის" დირექტორის დავით სარიშვილოს თქმით, მამაკაცს კორონავირუსზე აუღეს ანალიზი, უარყოფითი პასუხის მიღების შემდეგ, კი პალატაში გადაიყვანეს, სადაც მისი შემოწმება მოხდა.

მისივე ინფორმაციით, მამაკაცს 38 აბი სუბოტექსი და მარიხუანა აღმოაჩნდა, გამოიძახეს პოლიცია და ახალგაზრდა მამაკაცი წინასწარი მოთავსების იზოლატორში გადაიყვანეს.

დირექტორის თქმით, როგორც მან სამართალდამცველებს განუცხადა, სარგებლობს ჩანაცვლებითი თერაპიის სპეცპროგრამით და მედიკამენტები სამკურნალოდ სჭირდებოდა.

მომხდარზე გამოძიება დაიწყო. როგორც შსს-ში აცხადებენ, გამოძიება 260-ე მუხლით მიმდინარეობს, რაც ნარკოტიკული საშუალების უკანონო შეძენა-შენახვას გულისხმობს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს