„ახალი საქართველოს“ ლიდერის გიორგი ვაშაძის განცხადებით, „ძალა ერთობაშიას“ შეხვედრაზე მისი პრემიერ-მინისტრობის განდიდატად წარდგენის შესახებ განხილვები გაიმართა, თუმცა კონკრეტული გადაწყვეტილება მიღებული არ ყოფილა.

მისივე თქმით, აუცილებელია ოპოზიციის მხრიდან პრემიერ-მინისტრის კანდიდატურის დასახელება, თუმცა ვინ იქნება დასახელებული, ამის განმსაზღვრელი რეიტინგები უნდა იყოს.

„ჩემს პრემიერობას რაც შეეხება, მოგატყუებთ, რომ არ იყო საუბარი ამ საკითხზე. თემა მედია საშუალებებზე აიწია, თუმცა ამაზე გადაწყვეტილება ნამდვილად არ ყოფილა და თვითონ კითხეთ და ყველას თავისი პოზიცია აქვს ამასთან დაკავშირებით. ჩვენ უნდა შევთანხმდეთ იმაზე, რომ აუცილებლად უნდა დავასახელოთ პრემიერობის კანდიდატი და რეიტინგები უნდა იყოს განმსაზღვრელი, იმის ვის ვისი წარდგენა შეუძლია ამ თვალსაზრისით და დარწმუნებული ვარ, რომ ყველაფერზე ჩამოვყალიბდებით და შევთანხმდებით“, - განაცხადა ვაშაძემ.