“ლოგოსის” წარმატების 10 წელი

“საერთაშორისო აკადემია ლოგოსი” კერძო სკოლაა, რომელიც უკვე 10 წელია წარმატებით ფუნქციონირებს თბილისში.ეს სკოლა განსაკუთრებულია იმით, რომ ის არასდროს ყოფილა კომერციული პროექტი. “ლოგოსი” ქვეყანაში განათლების ხარისხის გაუმჯობესების სურვილით შეპყრობილი ადამიანების ახდენილი ოცნება და მიღწეული მიზანია.

სკოლის შესახებ გვიყვება ერთ-ერთი დამფუძნებელი, ქეთევან ბაცანკალაშვილი: “საერთაშორისო აკადემია ლოგოსი” 2010 წელს დაარსდა. სკოლის გახსნის იდეა “ამერიკულ-ქართული განათლების ცენტრის” წიაღში დაიბადა, რომელიც 2009 წელს დავაფუძნეთ და სხვადასხვა სკოლის მოსწავლეებს სასკოლო საგნებისა და საერთაშორისო გამოცდებისათვის ინტენსიურ მომზადებას ვთავაზობდით. პირველივე წელს, ცენტრის ყველა კურსდამთავრებულმა სრული და ნაწილობრივი დაფინანსებით ჩააბარა წამყვან ქართულ და უცხოურ უნივერსიტეტებში.

“ამერიკულ-ქართული განათლების ცენტრი” იმდენად წარმატებული პროექტი აღმოჩნდა, რომ მშობლებმა თხოვნით მოგვმართეს, დაგვეარსებინა ანალოგიური პრინციპებისა და მიდგომების მქონე ზოგადსაგანმანათლებლო სკოლა.

ეს პრინციპები იყო: ხარისხიანი და სიღრმისეული ზოგადი განათლების გადაცემა; საზღვარგარეთისა და საქართველოს პრესტიჟული უნივერსიტეტებში სწავლის გაგრძელების რეალური შესაძლებლობა, და რაც მთავარია, კეთილგანწყობასა და ურთიერთპატივისცემაზე ორიენტირებული გარემო, სადაც მოსწავლეები შეძლებდნენ თავისი აკადემიური პოტენციალის სრულ რეალიზებას.

დრო ცოტა გვქონდა! რამდენიმე თვეში უნდა გვეპოვნა შესაფერისი შენობა, დაგვეკომპლექტებინა მაღალკვალიფიციური პედაგოგების გუნდი, შეგვემუშავებინა პროგრამა და მიგვეღო სკოლის ლიცენზია. ვაცნობიერებდით, რომ მიუხედავად ცენტრის დიდი წარმატებისა, ფორმალური განათლების სამყარო სრულიად სხვა გამოწვევა და პასუხიმგებლობა იყო. გარდა ამისა, კონკურენცია უნდა გაგვეწია იმ დროისთვის არსებული მაღალი რეპუტაციის მქონე კერძო სკოლებისთვის.

დაუღალავი შრომის, უამრავი სირთულისა და უთვალავი გათენებული ღამის შემდგომ, 2010 წლის სექტემბერში "ლოგოსმა" 22 მოსწავლით და სამი საკლასო ოთახით საგანმანათლებლო საქმიანობა დაიწყო.

თავდაპირველად, მხოლოდ დამამთავრებელ საფეხურს ვთავაზობდით მოსწავლეებს; თუმცა, როცა წლის ბოლოს მოსწავლეების რაოდენობა გაორმაგდა, ხოლო ორი წლის შემდგომ გასამმაგდა, მივხვდით, რომ მნიშვნელოვანია შენი მოსწავლე დაბალი კლასებიდანვე შენი მოსწავლე იყოს და მას სკოლის ფასეულობები, კულტურა თუ საგანმანათლებლო პროგრამა უწყვეტ რეჟიმში შესთავაზო. მიუხედავად ამისა, ხარისხის შენარჩუნების მიზნით, გადავწყვიტეთ ნელი ტემპით ზრდა და ეტაპობრივი განვითარება. ამ პროცესის თითოეულ ნაბიჯს საგულდაგულოდ ვგეგმავდით, ვამოწმებდით, ვაფასებდით და მხოლოდ ამის შემდეგ ვახორციელებდით.

სკოლის დაწყებითი საფეხურის დამატება მხოლოდ მას შემდეგ გადავწყვიტეთ, რაც 2015 წელს ახალ, გაცილებით დიდ შენობაში გადავედით. 2016 წელს კი დაწყებითი საფეხურის მოსწავლეების პირველი ნაკადი მივიღეთ.

დღეს საერთაშორისო აკადემია ლოგოსი 10 წლისაა. ჩვენი სკოლა ეყრდნობა 21-ე საუკუნის განათლების პრინციპებს, რაც თანამედროვე მოქალაქის აღზრდას და მისი 21-ე საუკუნის შესაბამისი ცოდნითა და უნარებით აღჭურვას გულისხმობს. სკოლის მრავალფეროვანი პროგრამა, სავალდებულო საგნების გარდა მოიცავს არჩევით და დამატებით საგნებს: მეწარმეობის საფუძვლები, გარემო და მდგრადი განვითარება, ცხოვრებისეული უნარები, კომპიუტერული მეცნიერებები და პროგრამირება, სახალისო მეცნიერებები, მსოფლიო ლიტერატურა, ინგლისურის და ისტორიის კომბინირებული კურსი და სხვა. ეს კურსები ხელს უწყობს 21-ე საუკუნისთვის აქტუალური თემების შესახებ მოსწავლეთა ცნობიერების ამაღლებას და თანამედროვე კონკურენტუნარიანი პიროვნებისათვის აუცილებელი უნარების ჩამოყალიბებას.

ჩვენ ძალიან გვეამაყება ის ფაქტი, რომ ლოგოსელების სრული უმრავლესობა პრესტიჟულ ქართულ და უცხოურ უნივერსიტეტებში აგრძელებს სწავლას და მათ მიერ მოპოვებული დაფინანსებები საზღვარგარეთ 6 930 700 აშშ დოლარზე მეტია, ხოლო საქართველოში 445 500 ლარზე მეტი უდრის. მათ ამ პროცესში ეხმარებათ სკოლის სერვისები, რომლებიც “ლოგოსის” სასწავლო პროგრამაშია გათვალისწინებული.

ლოგოსის მოსწავლეთა რაოდენობამ წელს უკვე 400-ს გადააჭარბა. საოცარია, მაგრამ ის შენობა, რომელიც 2015 წელს ძალიან დიდი გვეგონა, ახლა უკვე სკოლაში გადმოსვლის მსურველი მოსწავლეების რაოდენობას ვეღარ აკმაყოფილებს, რის გამოც თითქმის ყველა საფეხურზე გვაქვს მომლოდინეთა სია.

მიუხედავად ამისა, ჩვენ კვლავაც ეტაპობრივი ზრდის პრინციპს ვემხრობით, რაც საშუალებას გვაძლევს მუდმივად ვიყოთ თითოეული მოსწავლის საჭიროებებსა და ინტერესებზე ორიენტირებულნი, შევინარჩუნოთ ოჯახური გარემო და, რაც მთავარია, არასოდეს წავიდეთ კომპრომისზე, როცა საქმე სწავლისა და აკადემიური პროგრამის ხარისხს ეხება. “ სკოლაში მიღების პროცესი დასასრულს უახლოვდება. რეგისტრაცია შესაძლებელია სახლიდან გაუსვლელად. ასე, რომ თუ გსურთ თქვენც გახდეთ ლოგოსის ოჯახის წევრი, იჩქარეთ.

(R)

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ