კიევში, საპროტესტო აქცია სახელწოდებით „უკრაინა შეეწინააღმდეგება“ მიმდინარეობს. აქცია ინიციატივის „არა კაპიტულაციას“ ფარგლებში, იმართება.
სააგენტო „უნიანის“ ინფორმაციით, შეკრებილებს თან სხვადასხვა პარტიების დროშები აქვთ.
მონაწილეები უკრაინის პრეზიდენტს ვლადიმერ ზელენსკის მოუწოდებენ, შეწყვიტოს რუსეთის წინაშე კაპიტულაციის პოლიტიკა.
„მოსკოვთან მოლაპარაკებები მხოლოდ იმაზე შეიძლება იყოს, რომ დამპყრობელმა რაც შეიძლება სწრაფად, ყოველგვარი წინაპირობის გარეშე, გაათავისუფლოს ოკუპირებული ტერიტორიები და უკრაინას ზარალი აუნაზღაუროს“, - განაცხადეს აქციის მონაწილეებმა.
ისინი პრეზიდენტისგან, ასევე მოითხოვენ, გაათავისუფლოს „დაუსაბუთებლად დაკავებული მაიდნელები და მოხალისეები, შეწყდეს პატრიოტთა პოლიტიკური დევნა“.
მოთხოვნათა შორისაა „შეწყდეს ევროატლანტიკური ინტეგრაციის საბოტაჟი და განახლდეს უკრაინის ნატო-სთან და ევროკავშირთან დაახლოება, ჩამოშორდნენ ოლიგარქები სახელმწიფო მმართველობას, დაუყოვნებლივ ჩამოშორდეს პრეზიდენტის ოფისს ანდრეი ერმაკი და სხვა კორუფციონერები.