საქართველოს პრემიერ-მინისტრმა გიორგი გახარიამ პარლამენტის თავმჯდომარეს არჩილ თალაკვაძეს მიმართა და რეგლამენტის მკაცრად დაცვა სთხოვა. გახარიას განცხადებით, ბევრი მნიშვნელოვანი საქმეა გასაკეთებელი და უმჯობესია, მთავრობამ ხალხზე უფრო მეტი იზრუნოს, ვიდრე პარლამენტის ტრიბუნასთან იდგეს და „ზოგიერთ დემაგოგიურ კითხვას უპასუხოს“.

„მოგეხსენებათ, რომ ჩვენ ერთი დღით ადრე ვიდექით ამ ტრიბუნასთან და მაქსიმალურად გავეცით პასუხი ყველა იმ შეკითხვას, რომელიც დასმული იყო პანდემიასთან ბრძოლის კონტექსტში. თუმცა ჩვენ, რა თქმა უნდა, პატივს ვცემთ პარლამენტს, კანონს, რეგლამენტს და მიუხედავად იმისა, რომ მერწმუნეთ, ბევრი მნიშვნელოვანი საქმე გვაქვს გასაკეთებელი, ჩვენ აქ ვდგავართ და ამ კითხვებსაც გავცემთ პასუხს. ბატონო თავმჯდომარე, მინდა გთხოვოთ, რომ იმის გათვალისწინებით, რომ 11 საათი ჩვენ აქ უკვე ვიდექით, მკაცრად დაიცვათ რეგლამენტი, ეს მოგვემს საშუალებას, რომ ჩვენს ხალხზე უფრო მეტი ვიზრუნოთ, ვიდრე ვიდგეთ აქ და ზოგიერთ დემაგოგიურ კითხვას ვუპასუხოთ,“- განაცხადა გიორგი გახარიამ.

ცნობისთვის, საკანონმდებლო ორგანოში დღეს პრემიერ-მინისტრს უსმენენ. გიორგი გახარია პარლამენტში "ნაციონალური მოძრაობისა" და "ევროპული საქართველოს" ფრაქციებმა ინტერპელაციის წესით დაიბარეს.

იხილეთ ვიდეო