რუსეთში გასული დღე-ღამის განმავლობაში კორონავირუსის კიდევ 9 268 ახალი შემთხვევა გამოვლინდა. ოპერატიული შტაბის ინფორმაციით, რუსეთის ფედერაციაში კოვიდ ინფიცირებულთა საერთო რიცხვი 405 843-ს შეადგენს.

ამ მონაცემით, რუსეთი აშშ-ისა და ბრაზილიის შემდეგ მსოფლიოში მესამე ადგილზეა.

ყველაზე მეტად ვირუსი მოსკოვში გავრცელდა, სადაც 180 000-ზე მეტ ადამიანს აღმოაჩნდა ამ დრომდე ვირუსი. რაც შეეხება გარდაცვალების შემთხვევებს, ბოლო 24 საათში რუსეთში კიდევ 138 ადამიანი დაიღუპა. მსხვერპლთა საერთო რიცხვი 4 693-ია. ქვეყანაში ამ დრომდე 171 000-ზე მეტი ადამიანი განიკურნა კორონავირუსისგან. ამჟამად აქტიური შემთხვევების რიცხვი 230 000-ს აღწევს.