ვანო ზარდიაშვილის ცოლის ძმა, გრიგოლ აბრალავა, პოლიციისთვის  წინააღმდეგობის გაწევის ფაქტზე მეგობართან ერთად დააკავეს

საპარლამენტო უმრავლესობის ყოფილი წევრის, ვანო ზარდიაშვილის ცოლის ძმა, გრიგოლ აბრალავა მეგობართან ერთად დააკავეს.

როგორც „ინტერპრესნიუსს“ დაკავებულის ადვოკატმა, იოსებ ხარატიშვილმა განუცხადა, ორი დღის წინ , გრიგოლ აბრალავა მეგობართან ერთად ბერი გაბრიელ სალოსის ქუჩაზე ავტომობილით მოძრაობდა, რა დროსაც ისინი სამართალდამცავებმა გააჩერეს. ადვოკატის თქმითვე, ამის შემდეგ მოხდა სამართალდამცავებთან შელაპარაკება. ხარატიშვილი ირწმუნება, რომ გრიგოლ აბრალავას სამართალდამცავებისთვის ფიზიკური შეურაცხყოფა არ მიუყენებია.

„აბრალავას ბრალი სისხლის სამართლის კოდექსის 353-ე მუხლით აქვს წაყენებული, რაც პოლიციისადმი წინააღმდეგობის გაწევას გულისხმობს. ბრალში პირდაპირ წერია, რომ აბრალავა პოლიციელებს ფიზიკურად არ გასწორებია.

შემთხვევა გუშინწინ ღამე მოხდა, თუ არ ვცდები, ბერი გაბრიელ სალოსის ქუჩაზე. საჭესთან თვითონ არ მჯდარა, მეგობართან ერთად იმყოფებოდა, საპატრულო პოლიციის მოწოდებისას მანქანა არ გაჩერდა, მერე გააჩერეს და მოხდა სიტყვიერი შელაპარაკება, ფიზიკური დაპირისპირება აბრალავას მხრიდან არ ყოფილა. ვინაიდან საქმეს არ ვიცნობთ და ახლა მოგვცეს, აბრალავა დუმილის უფლებას იყენებს, მაგრამ გამოძიებასთან თანამშრომლობს, დოკუმენტაციას ხელს აწერს და ყველა საგამოძიებო მოქმედებაში იღებს მონაწილეობას“, - განაცხადა ხარატიშვილმა.

ამ წუთებში, თბილისის საქალაქო სასამართლო დაკავებულების მიმართ აღკვეთის ღონისძიების შეფარდებაზე მსჯელობს.

ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ქართული პრესის მიმოხილვა 29.07.2021
კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან