ანზორ აბრალავას განცხადებით, მისი შვილის, გრიგოლ აბრალავას საქმეში იარაღი არ ფიგურირებს

საპარლამენტო უმრავლესობის ყოფილი წევრის, ვანო ზარდიაშვილის სიმამრის, ანზორ აბრალავას განცხადებით, მისი შვილის, გრიგოლ აბრალავას საქმეში იარაღი არ ფიგურირებს.

როგორც „ინტერპრესნიუსთან“ საუბარში აბრალავა აცხადებს, მომხდართან დაკავშირებით მან დეტალები არ იცის, თუმცა, აცხადებს, რომ „არაფერი დაიმალება“.

„პატრულთან ინციდენტის გამო არიან დაკავებულები, გამოძიება მიმდინარეობს. როგორც ვიცი, პატრულს არ დაემორჩილნენ და მერე მოხდა ეს, რაც მოხდა. იქ შეხლა-შემოხლა იყო, დაუმორჩილებლობას რაც მოსდევს ხოლმე, კონკრეტულად რა მოხდა, არ ვიცი. დაკითხავენ ალბათ, თვითმხილველებს, რა და როგორ იყო. ვარაუდებზე საუბარი არ მინდა. ჩემთვის ძალიან უსიამოვნო ფაქტია ეს. როგორც ადვოკატმა მითხრა, საქმეში იარაღი არ ფიგურირებს. ეს ისეთი საქმეა, დაფარული და დამალული არაფერი არ იქნება“, - აცხადებს აბრალავა.

ცნობისთვის, საპარლამენტო უმრავლესობის ყოფილი წევრის, ვანო ზარდიაშვილის ცოლის ძმა, გრიგოლ აბრალავა მეგობართან ერთად პოლიციისთვის წინააღმდეგობის გაწევის ბრალებით დააკავეს. ამ წუთებში, თბილისის საქალაქო სასამართლოში დაკავებულების მიმართ აღკვეთის ღონისძების შეფარდებაზე მსჯელობენ.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს