ადვოკატი ვანო ზარდიაშვილის ცოლის ძმის 5 ათას ლარამდე გირაოთი გათავისუფლებას მოითხოვს

ყოფილი დეპუტატის ვანო ზარდიაშვილის ცოლის ძმა, გრიგოლ აბრალავა სასამართლოს გუშინდელ გადაწყვეტილებას გაასაჩივრებს. აღნიშნულის შესახებ „ინტერპრესნიუსს“ აბრალავას ადვოკატმა იოსებ ხარატიშვილმა განუცხადა.

როგორც ხარატიშვილმა განმარტა, თბილისის საქალაქო სასამართლოს მიერ გრიგოლ აბრალავასთვის შეფარდებულ აღკვეთ ღონისძებას პატიმრობას სააპელაციო სასამართლოში გაასაჩივრებენ და სასამართლოს ბრალდებულის გირაოს - 2000-დან 5000-მდე ლარის სანაცვლოდ გათავისუფლების შუამდგომლობით მიმართავენ.

ცნობისთვის, სასამართლომ გრიგოლ აბრალავასა და მის მეგობარს, ნუგზარ თალაკვაძეს აღკვეთის ღონისძიების სახით პატიმრობა გუშინ შეუფარდა. გრიგოლ აბრალავა მეგობართან ერთად პოლიციისთვის წინააღმდეგობის გაწევის ბრალდებით დააკავეს.

პროკურატურის ინფორმაციით, საგზაო მოძრაობის წესების დარღვევისათვის, პატრულ-ინსპექტორებმა დევნის შედეგად ავტომანქანა გააჩერეს, რომელშიც აბრალავა მეგობართან ერთად იმყოფებოდა. პროკურატურის განმარტებითვე, ავტომანქანიდან გადმოსულმა პირებმა საზოგადოებრივი წესრიგის დაცვისთვის ხელის შეშლისა და პოლიციის მუშაკების საქმიანობის შეცვლისა და შეწყვეტის მიზნით ფიზიკური წინააღმდეგობა გაუწიეს პატრულ-ინსპექტორებს.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს