CNN - სიეტლის პოლიციამ საპროტესტო აქცია ძალის გამოყენებით დაშალა
სიეტლში სამართალდამცავებმა საპროტესტო აქცია მანათობელი ყუმბარებისა და ძალის გამოყენებით დაშალეს, - ამის შესახებ ინფორმაციას ტელეკომანია CNN-ი ავრცელებს. სოციალურ ქსელ „ფეისბუქში“ გავრცელდა ვიდეო კადრები, სადაც ისმის პოლიციელების ხმა, რომლებიც მომიტინგეებს აფთხილებენ. კადრებში ჩანს თეთრი კვამლი და ისმის ხმაური. აღსანიშნავია, რომ საპროტესტო აქციის დაშლამდე სიეტლის პოლიციის დეპარტამენტმა სოციალურ ქსელ „ტვიტერში“ გამაფრთხილებელი პოსტი გამოაქვეყნა.
შეგახსენებთ, რამდენიმე საათის წინ სიეტლის პოლიციამ მამაკაცი დააკავა, რომელიც ავტომობილით ხალხის მასაში შეიჭრა და ცეცხლსასროლი იარაღიდან სროლა დაიწყო. ინციდენტის შედეგად ახალგაზრდა მამაკაცი დაიჭრა.
