დავით სონღულაშვილმა ევრონესტის საპარლამენტო ასამბლეის ბიუროს არაფორმალურ შეხვედრაში ვიდეოკონფერენციის ფორმატში მიიღო მონაწილეობა
ევრონესტის საპარლამენტო ასამბლეის ბიუროს არაფორმალური შეხვედრა ვიდეოკონფერენციის ფორმატში გაიმართა, სადაც ევროპასთან ინტეგრაციის კომიტეტის თავმჯდომარემ, დავით სონღულაშვილმა მიიღო მონაწილეობა. ამის შესახებ ინფორმაციას საქართველოს პარლამენტი ავრცელებს.
მათი ცნობით, ბიუროს სხდომას ასამბლეის თანაპრეზიდენტები, ევროპარლამენტარი ანდრიუს კუბილიუსი და უკრიანის რადას დეპუტატი ივან კრულკო ხელმძღვანელობდნენ.
შეხვედრის განხილვის მთავარი თემა ევრონესტის საპარლამენტო ასამბლეის მიერ მისაღები ოფიციალური განცხადება იყო, რომელიც როგორც წესი, აღმოსავლეთ პარტნიორობის სამიტს უძღვის წინ და რომელიც მიმდინარე წლის 18 ივნისს არის დაგეგმილი.
"ევრონესტის საპარლამენტო ასამბლეის ბიუროს განცხადება, რომელიც ოფიციალურად უახლოეს დღეებში იქნება მიღებული, საქართველოსთვის მნიშვნელოვან საკითხებს ეხმიანება, რომელიც აქტუალურია აღმოსავლეთ პარტნიორობის მოსალოდნელი სამიტის ფარგლებში" , - ნათქვამია პარლამენტის მიერ გავრცელებულ ინფორმაციაში.
v-if="article.gallery" v-html="article.gallery"
