ირაკლი კობახიძე - 12 %-იანი და 3%-იანი პარტიები შეიძლება, კიდევ უფრო დაღმა ჩავიდნენ

ეს გამოიწვევს რყევებს ქართულ პოლიტიკაში , - ასე პასუხობს პარლამენტის ყოფილი თავმჯდომარე ირაკლი კობახიძე კითხვას, არჩევნებში ნიკა მაჭუტაძის პარტიის შანსებთან დაკავშირებით, რომლის თავმჯდომარეც ნატო ჩხეიძე გახდა.

"ეს გამოიწვევს რყევებს ქართულ პოლიტიკაში და ველოდებით, რა იქნება ზუსტი შედეგი ამ ყველაფრის", - განაცხადა კობახიძემ.

ამასთან, კობახიძე მიიჩნევს, რომ ოპოზიციის ნაწილი თანამდებობების განაწილებით არის დაკავებული, რაც მათ რეიტინგს კიდევ უფრო შეამცირებს.

"რეალურად ხედავთ, რომ ისინი ინაწილებენ იმ თანამდებობებს, რაც ბუნებაში არ არსებობს, ეს არის მათთვის დამახასიათებელი, ნაცვლად იმისა, რომ ჩართულნი იყვნენ პარლამენტის მუშაობაში და ისეთი გადაწყვეტილებების მიღებაში, რაც საზოგადოებისთვის არის მნიშვნელოვანი. ისინი დაკავებულნი არიან მხოლოდ იმით, თუ როგორ გადაინაწილებენ თანამდებობებს. ღიმილისმომგვრელია ის, რომ საუბარია ბუნებაში არარსებულ თანამდებობებზე. ბუნებრივია, ასეთი პოლიტიკით ოპოზიცია კიდევ უფრო დაბლა ჩავა, ვიდრე ვიხილეთ "იმედის" რეიტინგებში, 12-პროცენტიანი და 3-პროცენტიანი პარტიები შეიძლება, კიდევ უფრო დაღმა ჩავიდნენ, რაც აბსოლუტურად მოსალოდნელია" , - განაცხადა კობახიძემ.

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 18.01.2021
როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
D ვიტამინის გავლენა რეპროდუქციულ ჯანმრთელობაზე