დავით ზალკალიანი გაერო-ს მაღალი დონის ღონისძიებაში მიიღებს მონაწილეობას

საქართველოს საგარეო საქმეთა მინისტრი, დავით ზალკალიანი გაეროს მაღალი დონის ღონისძიებაში - ,,გაერო-ს ქარტია 75 წლის შემდეგ: მულტილატერალიზმი დანაწევრებულ მსოფლიოში“ (The UN Charter at 75: Multilateralism in a Fragmented World) მიიღებს მონაწილეობას.

როგორც „ინტერპრესნიუსს“ საგარეო საქმეთა სამინისტროდან აცნობეს, ღონისძიება სინგაპურის, როგორც მცირე სახელმწიფოთა ფორუმის (FOSS) მომწვევი ქვეყნის ორგანიზებით იმართება.

ღონისძიების ფარგლებში მოხსენებით წარდგებიან გაერო-ს გენერალური მდივანი, ანტონიო გუტერეში, გაერო-ს გენერალური ასამბლეის 74-ე სესიის პრეზიდენტი, ტიჯანი მუჰამად ბანდე, FOSS-ის თავმჯდომარე, სინგაპურის საგარეო საქმეთა მინისტრი, ვივიან ბალაკრიშნანი, ირლანდიის ყოფილი პრეზიდენტი, მერი რობისონი, გაერო-ს წევრი ქვეყნების სახელმწიფოს, ასევე მთავრობის მეთაურები და საგარეო საქმეთა მინისტრები.

„ღონისძიება მიეძღვნება გაერო-ს ქარტიის 75-ე წლისთავს და მრავალმხრივი დიპლომატიის როლს დღევანდელ მსოფლიოში. აღნიშნულ კონტექსტში, ყურადღება დაეთმობა მულტილატერალიზმის წინაშე მდგარ გამოწვევებსა და მათი გადაჭრის გზების განხილვას. გამოსვლაში საქართველოს საგარეო საქმეთა მინისტრი ისაუბრებს საერთაშორისო უსაფრთხოების კუთხით არსებულ გამოწვევებზე, მდგრადი მშვიდობისა და განვითარების უზრუნველყოფის საქმეში მრავალმხრივი დიპლომატიის როლსა და საერთაშორისო სამართლისა და გაერო-ს პრინციპების უპირობო შესრულების აუცილებლობაზე. მინისტრი, ასევე, ყურადღებას გაამახვილებს საქართველოს ოკუპირებულ რეგიონებში შექმნილ მძიმე ვითარებასა და რუსეთის მიერ 2008 წლის 12 აგვისტოს, ევროკავშირის შუამავლობით გაფორმებული ცეცხლის შეწყვეტის შეთანხმებით ნაკისრი ვალდებულებების შეუსრულებლობაზე. აღსანიშნავია, რომ მცირე სახელმწიფოთა ფორუმი პირველად 1992 წელს, გაერო-სთან სინგაპურის დელეგაციის ორგანიზებით მოიწვიეს და მას შემდეგ, სწორედ სინგაპურის ეგიდით იმართება ყოველწლიურად. ფორუმის მიზანია გაერო-ს წევრი მცირე სახელმწიფოების პოტენციალის გამოყენების ხელშეწყობა და საერთო ინტერესების საკითხებზე პოზიციათა შეჯერება,“ - ნათქვამია ინფორმაციაში.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო