ნათია თურნავა - მაქსიმალურად ვეხმარებით გიდებს, რომ ისინი ჩვენი დახმარების პროგრამის ბენეფიციარები გახდნენ

მიუხედავად პრობლემებისა მაქსიმალურად ვეხმარებით გიდებს პროფესიული ასოციაციების მეშვეობით, რომ ისინი ჩვენი დახმარების პროგრამის ბენეფიციარები გახდნენ. გიდები მაქსიმალურად ექცევიან თვითდასაქმებულთა 300-ლარიანი დახმარების კატეგორიაში, - ამის შესახებ საქართველოს ეკონომიკისა და მდგრადი განვითარების მინისტრმა ნათია თურნავამ მთავრობის ადმინისტრაციაში გამართულ ბრიფინგზე განაცხადა.

ეკონომიკის მინისტრის თქმით, ბევრი სხვა კატეგორიისაგან განსხვავებით, დახმარების მისაღებად გიდებისთვის საკმარისია წარმოადგინონ იმის დასტური, რომ 2019 წელს გარკვეული სამუშაო ან რაიმე სახის შემოსავალი ჰქონდათ.

„ჩვენ გიდების დიდი არმია გვყავს, პროფესიონალი ადამიანების რომლებიც საკმაოდ წარმატებულები იყვნენ ბოლო წლებში. იმის გამო, რომ იზრდებოდა ტურისტების რაოდენობა, მათაც შემოსავლები კარგად ჰქონდათ ამ თვალსაზრისით და თავიანთ პროფესიონალიზმსაც ხვეწდნენ. თუმცა, არსებობს პრობლემებიც ხარისხთან დაკავშირებით, სერტიფიცირებასთან და აღრიცხვასთან დაკავშირებით. მიუხედავად პრობლემებისა, მაქსიმალურად ვეხმარებით გიდებს პროფესიული ასოციაციების მეშვეობით რომ ისინი ჩვენი დახმარების პროგრამის ბენეფიციარები გახდნენ. ისინი მაქსიმალურად ექცევიან თვითდასაქმებულთა 300-ლარიანი დახმარების კატეგორიაში და ჩვენ ძალიან ლოიალურად ვუდგებით მათ იდენტიფიკაციას. განსხვავებით ბევრი სხვა კატეგორიებისაგან გავითვალისწინეთ, რომ გიდებს სეზონური სამუშაო ჰქონდათ, მათთვის საკმარისია წარადგინონ იმის დასტური რომ, 2019 წელს ჰქონდათ გარკვეული სამუშაო და რაიმე სახის შემოსავალი,“ - განაცხადა ნათია თურნავამ.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს