კორონავირუსზე ტესტირება ადამიანთა დამატებით ჯგუფებს გაუკეთდება

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, მომზადდა მთავრობის დადგენილება, რომლის მიხედვითაც განისაზღვრება ადამიანთა დამატებითი ჯგუფები, ვისთვისაც მოლეკულური ტესტირების ჩატარება აუცილებელი იქნება.

როგორც მან მთავრობის ადმინისტრაციაში გამართულ ბრიფინგზე განაცხადა, ქვეყანაში ტესტების გარკვეული მარაგები არის.

„მომზადდა მთავრობის დადგენილება, რომლის მიხედვითაც განისაზღვრება ადამიანთა კიდევ დამატებითი ჯგუფები, ვისთვისაც მოლეკულური ტესტირების ჩატარება აუცილებელი იქნება, რათა ჩვენ ინფექციის გავრცელებისგან მაქსიმალურად დაზღვეული ვიყოთ. ამისთვის გარკვეული მარაგები ქვეყანაში დღეს არსებობს. ასევე ვიცით, რას ველით ივნისში, რამდენი გვაქვს კიდევ შეკვეთილი ივლის-აგვისტო-სექტემბერში და როგორ ვაძლიერებთ ჩვენ მატერიალურ ტექნიკურ ბაზას და სიმძლავრეებს. ჩემს გამოსვლას კი მთავარი მესიჯით ვამთავრებ - ნუ მივეცემით ილუზიას, რომ ჩვენ კოვიდი დავამარცხეთ. კორონავირუსი ქვეყანაში ცირკულირებს და ჩვენ მასთან თანაცხოვრებას უნდა მივეჩვიოთ. განსაკუთრებით ფრთხილად უნდა ვიყოთ და პირველივე სიმპტომების: ტემპერატურის, ხველის, სუნთქვის გაძნელების და სხვა რესპირატორული სიმპტომების გამოვლენისთანავე დავრეკოთ 112-ზე, დავურეკოთ ოჯახის ექიმს ან პირდაპირ მივიდეთ ცხელების კლინიკებში. ამასთან, ჩვენ ვაფართოვებთ ე.წ. ნაცხის ამღები პუნქტების წრეს ქვეყანაში, რათა ადამიანებისთვის უფრო მეტად ხელმისაწვდომი იყოს ეს პროცედურა“, - განაცხადა ამირან გამყრელიძემ.

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 18.01.2021
როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
D ვიტამინის გავლენა რეპროდუქციულ ჯანმრთელობაზე