ჯორჯ ფლოიდის მკვლელობის თანამონაწილეობაში ბრალდებული ერთ-ერთი ყოფილი პოლიციელი გირაოს სანაცვლოდ ციხიდან გაათავისუფლეს, - ამის შესახებ ინფორმაციას სააგენტო „როიტერსი“ ადგილობრივი შერიფის ოფისზე დაყრდნობით ავრცელებს.
სააგენტოს ცნობით, 37 წლის თომას ლეინმა ციხე 750 000 აშშ დოლარის გადახდის შემდეგ დატოვა.
ცნობისათვის, თომას ლეინი ერთ-ერთია იმ სამ ყოფილ პოლიციელს შორის, რომლებიც 46 წლის შავკანიანი მამაკაცის, ჯორჯ ფლოიდის მკვლელობის ხელშეწყობასა და თანამონაწილეობაში არიან ბრალდებული. კიდევ ერთ ყოფილ პოლიციელს, დერეკ შოვინს, კი ბრალი ფლოიდის მკვლელობაში ედება. ბრალის დადასტურების შემთხვევაში ოთხივეს 40 წლამდე თავისუფლების აღკვეთა ემუქრება.