სალომე სამადაშვილი - გიორგი რურუა საპატიმროს აუცილებლად დატოვებს თუ არჩევნებამდე არა, არჩევნების შემდეგ, მაგრამ მსგავსი გადაწყვეტილებებით ბიძინა ივანიშვილი საკუთარ განაჩენსაც წერს

პარტია „ნაციონალური მოძრაობის“ წევრის, სალომე სამადაშვილის განცხადებით, სასამართლოს გადაწყვეტილება გიორგი რურუას საპატიმროში დატოვებასთან დაკავშირებით ძალიან უგუნურია და სამართლებრივად არანაირი ლოგიკა არ არსებობს.

მისივე თქმით, მსგავსი გადაწყვეტილებებით ბიძინა ივანიშვილი "საკუთარ განაჩენსაც წერს" და ის უკვე პოტენციურად მოიაზრება როგორც ადამიანი, რომლის წინააღმდეგ დასავლეთმა სანქციების რეჟიმი უნდა შემოიღოს.

„ეს არის პოლიტიკური მითითებით მიღებული გადაწყვეტილება, ის მხოლოდ დაამძიმებს იმ შთაბეჭდილებას, რომელიც დასავლეთში აქვთ ჩვენს ქვეყანაზე და მის პოლიტიკურ რეჟიმზე . გიორგი რურუა საპატიმროს აუცილებლად დატოვებს თუ არჩევნებამდე არა, არჩევნების შემდეგ, მაგრამ მსგავსი გადაწყვეტილებებით ბიძინა ივანიშვილი საკუთარ განაჩენსაც წერს. ის უკვე მოიაზრება პოტენციურად როგორც ადამიანი, რომლის წინააღმდეგ დასავლეთმა სანქციების რეჟიმი უნდა შემოიღოს. გიორგი რურუა აღიარებულია პოლიტპატიმრად ამერიკის კონგრესის, სენატის და ევროპარლამენტის მიერ“, - განაცხადა სალომე სამადაშვილმა.

ცნობისთვის, „მთავარი არხის" ერთ-ერთი მეწილე, ბრალდებული გიორგი რურუა კვლავ პატიმრობაში რჩება.

მას აღკვეთის ღონისძიება პატიმრობა, გირაოს სანაცვლოდ არ შეეცვალა. დღევანდელ სასამართლო პროცესზე დაცვის მხარემ პატიმრობის 10 000 - ლარიანი გირაოს სანაცვლოდ შეცვლის შუამდგომლობა დააყენა, ვინაიდან ბრალდების მხარემ მოწმეთა დაკითხვა დაასრულა. აღნიშნული შუამდგომლობა თბილისის საქალაქო სასამართლოს მოსამართლე ვალერიან ბუგიანიშვილმა არ დააკმაყოფილა.

ზაალ ანჯაფარიძე - სტაბილურობა, რომელიც დღეს გვაქვს, საკმაოდ მყიფეა - სახელმწიფოს რესურსები ულევი არ არის და ამიტომ  ხელისუფლება  ცდილობს,  თავი დაიზღვიოს
ქართული პრესის მიმოხილვა 28.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სილქფესტი მომხმარებლებს ინტერნეტის და სასაუბრო პაკეტების ოთხ სააქციო პირობას სთავაზობს
JTI-ს საუკეთესო დამსაქმებლის ჯილდო გადაეცა