ტულონში საზღვაო-სამხედრო ბაზაზე მყოფ ატომურ წყალქვეშა ნავზე ხანძარი გაჩნდა. საუბარია წყალქვეშა ნავზე Perle, რომელიც ექსპლუატაციაში 1993 წლიდან შევიდა. ის 2020 წლის იანვრიდან ტულონშია გაჩერებული, სადაც მას ტექმომსახურება ჩაუტარდა. მომხდარის შედეგად არავინ დაშავებულა.

„ხანძრის შედეგად წარმოქმნილი კვამლი რადიოაქტიური არ არის. ბორტზე ბირთვული საწვავი არ არის. შეგახსენებთ, რომ საფრანგეთის მთელ ტერიტორიაზე დამონტაჟებულია გადამცემები, რომლებსაც შეუძლიათ ნებისმიერი ანომალიის გამოვლინება, რომლებიც დაკავშირებულია რადიოაქტიურობასთან“ , - განაცხადეს ხმელთაშუაზღვისპირეთის საზღვაო სამსახურში.