ვლადიმერ პუტინი - ჩვენ შევძლებთ სასიამოვნოდ გავაოცოთ ჩვენი პარტნიორები, როცა მათ ჰიპერბგერითი იარაღი ექნებათ, ჩვენ გვექნება ამ იარაღთან საბრძოლველი საშუალება

რუსეთის პრეზიდენტის, ვლადიმერ პუტინის განცხადებით, რუსეთი შექმნის სისტემებს ჰიპერბგერით იარაღთან საბრძოლველად, მაშინ, როცა სხვა ქვეყნები მხოლოდ ჰიპერბგერით რაკეტებს შექმნიან.

„ის გამოჩნდება, მაგრამ, ჩემი აზრით, ჩვენ შევძლებთ სასიამოვნოდ გავაოცოთ ჩვენი პარტნიორები იმით, რომ როცა მათ ეს იარაღი ექნებათ, მაღალი ალბათობით, ჩვენ გვექნება ამ იარაღთან საბრძოლველი საშუალება“, - განაცხადა პუტინმა ტელეარხ „რასია პირველთან“ ინტერვიუში.

პუტინის თქმით, დღეს არავის შეუძლია ჰიპერბგერითი რაკეტებისთვის წინააღმდეგობის გაწევა, რადგან მათი სიჩქარე ისეთია, რომ დაჭერა შეუძლებელია.

„ამაშია ჩვენი დღევანდელი მდგომარეობის უნიკალურობა - კიდევ ერთხელ ვიმეორებ, რომ მაღალი ალბათობით, ჩვენ ჰიპერბგერით იარაღთან ბრძოლის საშუალება გვექნება იმ მომენტისთვის, როცა მსოფლიოს წამყვან ქვეყნებში თავად ეს ჰიპერბგერითი იარაღი გამოჩნდება“, -აღნიშნა პუტინმა.

რუსული მედიის ინფორმაციით, პუტინმა იანვარში ფედერალურ კრებას აუწყა, რომ რუსეთი ახალი თაობის უნიკალურ იარაღს ამზადებდა, რომელიც ქვეყნის თავდაცვისუნარიანობას ათწლეულების მანძილზე უზრუნველყოფდა.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა