ამირან გამყრელიძე - რაც ბოლო 4-5 დღეში ხდება პროგნოზირებადი იყო - ეს არ არის არც პანიკის, არც შეშფოთების საფუძველი, თუმცა სიმშვიდე აუცილებლად გვმართებს

რაც ბოლო 4-5 დღის განმავლობაში ხდება პრინციპში პროგნოზირებადი იყო, ეს არ არის მოულოდნელობა. პროგნოზირებადი იყო იმ თვალსაზრისით, რომ ეკონომიკა იხსნება, მეტი მობილობაა და ეს ასე უნდა ყოფილიყო, - ამის შესახებ დაავადებათა კონტროლის ეროვნული ცენტრის დირექტორმა, ამირან გამყრელიძემ მთავრობის ადმინისტრაციაში გამართულ ბრიფინგზე ბოლო დღეებში ახალი ინფიცირებულების რაოდენობაზე საუბრისას განაცხადა.

მისივე ინფორმაციით, ქვეყანაში ეპიდსიტუაცია კონტროლირებადია .

„ეს არ არის არც პანიკის, არც შეშფოთების საფუძველი, თუმცა სიმშვიდე აუცილებლად გვმართებს. ქვეყანაში ეპიდსიტუაცია კონტროლირებადია და ამ ტიპის სვლით ჩვენ პრობლემა არ შეგვექმნება. შეიმჩნევა დინამიკა, რომ შედარებით იმატებს მსუბუქ შემთხვევათა რიცხვი. ვირუსი შესაძლოა გააქტიურდეს ხელმეორედ შემოდგომის, აციების პერიოდში. ჩვენთან რესპირაციული ვირუსები აქტიურდებიან ოქტომბრის მეორე ნახევრიდან და შესაძლოა გრიპთან ერთად მოხდეს კორონავირუსის გააქტიურებაც,“ - განაცხადა ამირან გამყრელიძემ.

იხილეთ ვიდეო: რაც ბოლო 4-5 დღეში ხდება პროგნოზირებადი იყო - ეს არ არის არც პანიკის, არც შეშფოთების საფუძველი, თუმცა სიმშვიდე აუცილებლად გვმართებს - ამირან გამყრელიძე

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს