„თავისუფალი საქართველო“ თხინვალას დასახლებაში მაღალსართულიანი კორპუსის მშენებლობას აპროსტესტებს

თხინვალას დასახლებაში (ლისის ტბის მიმდებარედ) „თავისუფალმა საქართველომ“ ადგილობრივ მოსახლეობასთან ერთად საპროტესტო აქცია გამართა.

პარტიის ინფორმაციით, მოქალაქეები აქ არსებული სპორტული მოედნის შენარჩუნებას მოითხოვენ, რომელიც თბილისის მერიამ კიდევ ერთი მაღალსართულიანი კორპუსის მშენებლობისთვის ინვესტორს გადასცა.

„თავისუფალი საქართველოს“ ინფორმაციით, სპორტულ მოედანს თხინვალას დასახლების მოსახლეობისთვის განსაკუთრებული მნიშვნელობა აქვს, რადგან მას ბავშვებისგან შემდგარი ადგილობრივი ფეხბურთის გუნდი იყენებს, რომელსაც აქ მცხოვრები მწვრთნელი უსასყიდლოდ, მოხალისეობრივად ავარჯიშებს.

მათივე ცნობით, მოსახლეობა სტადიონის რეაბილიტაციას ჯერ კიდევ დავით ნარმანიას მერობის დროიდან ითხოვს, მაგრამ ამის საპასუხოდ, თბილისის ადმინისტრაციამ მისი დემონტაჟის და მაღალსართულიანი კორპუსის მშენებლობის გადაწყვეტილება მიიღო.

საპროტესტო აქცია ადგილობრივების ინიციატივითა და „თავისუფალი საქართველოს“ ორგანიზებით გაიმართა. პარტიის ლიდერმა, კახა კუკავამ შეკრებილებს მერიასთან კომუნიკაციისას შუამდგომლობა და ყველა სხვა საჭირო სამართლებრივი დახმარება აღუთქვა.

„თავისუფალი საქართველო“ თბილისის მერიისგან თხინვალას სტადიონის გასხვისების გადაწყვეტილების შეცვლასა და მის რეაბილიტაციას ითხოვს. პარტია აღნიშნულ საკითხზე მერიის შესაბამის სამსახურებთან კომუნიკაციას უახლოეს დღეებში დაიწყებს და საზოგადოებას საკითხის მიმდინარეობის შესახებ რეგულარულად აცნობებს“, - ნათქვამია პარტიის მიერ გავრცელებულ ინფორმაციაში.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
შეიძინე Samsung-ის სმარტფონი მხოლოდ ოფიციალური ჰოლოგრამით და ჩაერთე Trade-In აქციაში
„სიმეტრია პარკი“ ოქროყანაში - თბილისს მალე ახალი ჯანსაღი საცხოვრებელი გარემო შეემატება
ჰუალინგის თავისუფალმა ინდუსტრიულმა ზონამ საერთაშორისო აღიარება მოიპოვა
„თქვენს გზავნილზე ახალი საჩუქარია“ - ლიბერთი საერთაშორისო ფულად გზავნილებზე ახალი კამპანიას იწყებს
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს