პარლამენტის დამოუკიდებელი დეპუტატის, ეკა ბესელიას განცხადებით, „ნაციონალური მოძრაობის" წევრებს, რომლებიც მაჟოროტარობის კანდიდატები იქნებიან, სავარაუდოდ, მისი მხარდაჭერა არ ექნებათ. აღნიშნულის შესახებ დეპუტატმა ჟურნალისტებს განუცხადა.
როგორც ეკა ბესელია ამბობს, მაჟორიტარობის კანდიდატებთან დაკავშირებით, ოპოზიციის საერთო განხილვებში ჩართული არ არის და ამ ეტაპზე არც ის იცის, ექნება თუ არა ყველას მისი მხარდაჭერა.
„მე არ ვარ ჩართული საერთო საყოველთაო კონსულტაციებში ყველასთან, ამიტომ ვერ გეტყვით ვინ სად დასახელდება. ვიცი მხოლოდ, რომ ორი ოლქი დასახელდა, რაც თქვა „ნაციონალურმა მოძრაობამ ". ფრაგმენტული შეხვედრები მქონდა რამდენიმე პარტიასთან და კიდევ მექნება, მაგრამ საერთო კანდიდატებთან დაკავშირებით ნამდვილად ვერ გეტყვით, ყველას დავუჭერ თუ არა მხარს, რადგან გააჩნია, ვინ იქნებიან ეს ადამიანები,"- აცხადებს ეკა ბესელია.
ჟურნალისტის კითხვაზე, ექნება თუ არა მისი მხარდაჭერა „ნაციონალური მოძრაობის" წევრებს, ეკა ბესელია პასუხობს - "ალბათ არა."