აშშ-ში საპროტესტო აქციების დროს ერთი ადამიანი დაიჭრა, პოლიციამ 23 დემონსტრანტი დააკავა

აშშ-ს სამ შტატში სამართალდამცავებსა და დემონსტრანტებს შორის შეტაკებას სროლა და დაკავება მოჰყვა, - ამის შესახებ ინფორმაციას CNN-ი ავრცელებს. ტელეკომპანიის ცნობით, აშშ-ში, ნიუ-მექსიკოს შტატის ქალაქ ალბუკერკეში საპროტესტო აქციის დროს ცეცხლი გახსნეს. შემთხვევის შედეგად ერთი ადამიანი დაიჭრა. დაშავებული საავადმყოფოშია გადაყვანილი. პოლიციამ ინციდენტში მონაწილე ორი პირი დააკავა.

ორეგონის შტატის ქალაქ პორტლენდში სამართალდამცავებსა და დემონსტრანტებს შორის შეტაკება მოხდა. პორტლენდის პოლიციის ბიურის ინფორმაციით, აქციის მონაწილეებმა პოლიციას პიროტექნიკა დაუშინეს. ინციდენტის შედეგად ერთი პოლიციელი დაშავდა.

დაპირისპირება მოხდა ტენესის შტატშიც, სადაც დემონსტრანტებმა ცენტრალური მაგისტრალი გადაკეტეს და სამართალდამცავების თხოვნის მიუხედავად, გზა არ გახსნეს. რამდენიმე გაფრთხილების შემდეგ პოლიციამ 21 ადამიანი დააკავა. შეგახსენებთ, აშშ-ში საპროტესტო აქციები მესამე კვირაა არ წყდება. ფერადკანიანი მამაკაცის, ჯორჯ ფლოიდის, პოლიციის ძალადობის შედეგად დაღუპვის დღიდან ათასობით ადამიანი აშშ-ის ქუჩებში რასიზმსა და პოლიციის სისასტიკეს აპროტესტებს.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა