ინდოელი ჯარისკაცების სიკვდილი ამაოდ არ ჩაივლის, - ამის შესახებ ინდოეთის პრემიერ-მინისტრმა ნარენდრა მოდიმ განაცხადა, რითაც ის ლადახშის პროვინციაში ჩინელ და ინდოელ ჯარიკაცებს შორის მომხდარ შეტაკებას გამოეხმაურა.

მისივე თქმით, ინდოეთი იამაყებს იმით, რომ მისი ჯარისკაცები ჩინელებთან ბრძოლაში დაიხოცნენ.

„ინდოეთს მშვიდობა სურს, მაგრამ როცა მის პროვოცირებას ახდენენ, ნებისმიერ სიტუაციაში შესაბამისი პასუხის გაცემის უნარი შესწევს. ინდოეთი იამაყებს იმით, რომ მისი ჯარისკაცები ჩინელებთან ბრძოლაში დაიხოცნენ,“- განაცხადა ნარენდრა მოდიმ.

მისივე თქმით, ინდოეთისთვის მთავარია ქვეყნის ერთიანობა და სუვერენიტეტი.

„მათი სიკვდილი ამაოდ არ ჩაივლის. ჩვენთვის მთავარია ქვეყნის ერთიანობა და სუვერენიტეტი,“- განაცხადა ინდოეთის პრემიერ-მინისტრმა.

შეგახსენებთ, ქაშმირის რეგიონში, ლადახშის პროვინციაში ჩინელ და ინდოელ ჯარიკაცებს შორის შეტაკების შედეგად 20 ინდოელი ჯარისკაცი დაიღუპა. ზოგიერთი ინდური მედიასაშუალების ინფორმაციით, დაღუპული და დაჭრილი ჩინელი სამხედროების რიცხვი 35-ია.