ADB - ი საქართველოს ეროვნული ბანკის საქმიანობას დადებითად აფასებს

ეროვნულმა ბანკმა სწრაფად შეამსუბუქა რეგულაციები და წარმატებით დაასტაბილურა გაცვლითი კურსი, მაშინ როდესაც კომერციულმა ბანკებმა მსესხებლებს კრედიტების გრაფიკით დაფარვა გადაუვადეს, - ამის შესახებ აზიის განვითარების ბანკის (ADB) საქართველოს მუდმივი წარმომადგენლობის დირექტორი შეინ როზენტალი წერს.

ADB-ის წარმომადგენელი ოფიციალურ ვებგვერდზე გამოქვეყნებულ ბლოგში საუბრობს საქართველოს საფინანსო სექტორის მდგრადობაზე და აღნიშნავს, რომ არსებულ გამოწვევებს ის სრულად მომზადებული შეხვდა.

"ეროვნულმა ბანკმა კომერციულ ბანკებს საშუალება მისცა, უკეთესად გამოიყენონ კაპიტალის ბუფერები საკრედიტო ოპერაციებისა და ზარალის შესარბილებლად. ლიკვიდობის მისაწოდებლად, ასევე, გამოიყენება სხვა ინსტრუმენტები, რაც საპროცენტო განაკვეთების ზრდის თავიდან აცილების შესაძლებლობას იძლევა, განსაკუთრებით მცირე და საშუალო ბიზნესისთვის. შედეგად, რეალურ ეკონომიკაში კრიტიკული რესურსების უწყვეტი მოძრაობაა", - აღნიშნა შეინ როზენტალიმ.

საქართველოს ეროვნული ბანკის მიერ გავრცელებული ინფორმაციით, COVID-19-ის პანდემიის ქვეყნის საფინანსო სექტორზე უარყოფითი ზეგავლენის შერბილებისა და ქვეყნის ეკონომიკის წახალისების მიზნით, საქართველოს ეროვნულმა ბანკმა მნიშვნელოვანი ღონისძიებები გაატარა. ეროვნული ბანკის მიერ გადადგმული საგანგებო ნაბიჯები შეგიძლიათ იხილოთ შემდეგ ბმულზე: https://www.nbg.gov.ge/index.php?m=754&fbclid=IwAR2BqCEDt33Q3AjmGXFtX3LLf_YU5MnJQPzOczYjg9SY5bBuPe0MPEK1gj8 .

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 20.01.2021
ანდრია გვიდიანი - „ენგურჰესის“ გაჩერებამ კიდევ ერთხელ დაგვანახა, რომ ახალი ჰესების მშენებლობა სასიცოცხლოდ მნიშვნელოვანია
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე