ბრიტანეთის ეკონომიკა საკმაოდ მდგრადია, თუმცა წინ რთული დღეები გველოდება , - ამის შესახებ გაერთიანებული სამეფოს პრემიერ-მინისტრმა, ბორის ჯონსონმა განაცხადა. მისი თქმით, 1963 წლის შემდეგ ბრიტანეთის ისტორიაში პირველად ქვეყნის ვალმა ეკონომიკის ზომას გადააჭარბა.
„ეს ძალიან მნიშვნელოვანია, მაგრამ ჩვენ შევძლებთ ჩვენი ფინანსების მართვას. ჩემი აზრით, ბრიტანეთის ეკონომიკა საგრძნობლად მდგრადია და ამ სიტუაციიდან მალე გამოვალთ. თუმცა წინ რთული დღეები გველის“, - განაცხადა ბორის ჯონსონმა.
ბოლო მონაცემებით, გაერთიანებულ სამეფოში კორონავირუსის 301 000-ზე მეტი შემთხვევა დაფიქსირდა, ვირუსს 42 461 ადამიანი ემსხვერპლა. კორონავირუსით გარდაცვალების შემთხვევების რაოდენობის მიხედვით აშშ-სა და ბრაზილიის შემდეგ დიდი ბრიტანეთი მსოფლიოში მე-3 ადგილზეა.