განათლების მინისტრის მოადგილის განცხადებით, სექტემბრიდან პროფესიულ განათლებაში სასკოლო პროგრამის ინტეგრაცია მოხდება

საქართველოს განათლების, მეცნიერების, კულტურისა და სპორტის მინისტრის მოადგილის ეკატერინე დგებუაძის განცხადებით, მიმდინარე წლის სექტემბრის თვიდან პროფესიულ განათლებაში სასკოლო პროგრამის ინტეგრაცია იწყება, იმ ახალგაზრდებისთვის, ვინც ზოგადი განათლების საფეხური მეცხრე კლასის დახურვით დატოვა, თუმცა ისეთი პროფესიის შეძენა მოისურვა, რომელიც 12 კლასის ატესტატს საჭიროებს.

ეკატერინე დგებუაძემ ამის შესახებ განათლების, მეცნიერებისა და კულტურის, ევროპასთან ინტეგრაციის და სპორტისა და ახალგაზრდულ საქმეთა კომიტეტების ერთობლივი სხდომაზე საქართველოს განათლების, მეცნიერების, კულტურისა და სპორტის სამინისტროს მიერ განათლებისა და მეცნიერების მიმართულებით საქართველოსა და ევროკავშირს შორის ასოცირების დღის წესრიგის განხორციელების 2019 წლის ეროვნული სამოქმედო გეგმის შესრულების შესახებ ანგარიშის წარდგენისას ისაუბრა.

„ერთ-ერთი ძალიან მნიშვნელოვანი ჩავარდნა, რაც სისტემაში გვქონდა იყო ის, როდესაც 9 კლასს ამთავრებდა ადამიანი და გადიოდა ზოგადი განათლების საფეხურიდან, გარკვეული წლების შემდეგ, თუნდაც მიდიოდა პროფესიულ განათლების მისაღებად და კონკრეტულ პროფესიას იძენდა, მერე ფიქრობდა, რომ სხვა პროფესიის დაუფლება სურდა, რომელიც მოითხოვს 12 კლასის ატესტატს და არა 9 კლასის ატესტატს. ამის გამო, მას უწევდა სკოლაში დაბრუნება და მე-10, მე-11 და მე-12 კლასების გავლა ან ექსტერნის გამოცდების ჩაბარება. სექტემბრის თვიდან უკვე სასკოლო პროგრამის ინტეგრაცია იწყება პროფესიულ განათლებაში. მე თუ გავედი 9 კლასის მერე და ვსწავლობ კონკრეტულ პროფესიას კონკრეტულ პროფესიულ სასწავლებელში, პარალელურად ვსწავლობ მე-10, მე-11 და მე-12 კლასის პროგრამას და მე მეძლევა ორმაგი დიპლომი, რაც გულისხმობს იმას, რომ მე დავასრულე ზოგადი განათების საფეხური და მეორე დიპლომი მაქვს, რომ დავეუფლე კონკრეტულ პროფესიას“, - განაცხადა ეკატერინე დგებუაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს