ნიკოლ ფაშინიანი - ჯანდაცვის სისტემის შესაძლებლობები ამოუწურავი არ არის - უნდა გვახსოვდეს, რომ 100 ახალი ინფიცირებულიდან 15-ს ჰოსპიტალიზაცია დასჭირდება, 5 - რეანიმაციაში მოხვდება, აქედან 2 დაიღუპება

სომხეთის პრემიერ-მინისტრი ნიკოლ ფაშინიანი აცხადებს, რომ ჯანდაცვის სისტემის შესაძლებლობები ამოუწურავი არ არის და მოსახლეობას „კოვიდ 19“-ის წინააღმდეგ ბრძოლაში მეტი სიფხიზლის გამოჩენისკენ მოუწოდებს.

„ჯანდაცვის სისტემის შესაძლებლობები ამოუწურავი არ არის. უნდა გვახსოვდეს, რომ 100 ახალი ინფიცირებულიდან 15-ს ჰოსპიტალიზაცია დასჭირდება, 5- რეანიმაციაში მოხვდება, აქედან 2 კი, ყველა მცდელობის მიუხედავად, დაიღუპება“, - წერს ფაშინიანი სოციალურ ქსელ „ფეისბუქში.“

სომხეთის პრემიერ-მინისტრის თქმით, ამ სტატისტიკის შეჩერება ყველას შეუძლია, „პირბადის ტარებით, სოციალური დისტანციის დაცვითა და ხელების რეგულარულად დაბანვით (დეზინფექციით).

ინფორმაციას Armenpress-ი ავრცელებს.