„ვიტ ჯორჯიას" დაკავებული ფეხბურთელის ადვოკატის განცხადებით, მისი დაცვის ქვეშ მყოფს ჩხუბის პირველ ეპიოდში მონაწილეობას ედავებიან და ის გამოძიებასთან თანამშრომლობს

ფეხბურთელ გიორგი შაქარაშვილის გარდაცვალების საქმესთან დაკავშირებით „ვიტ ჯორჯიას" დაკავებულ ფეხბურთელს ირაკლი წაქაძეს თბილისის პოლიციის სამმართველოში მისი ადვოკატი შეხვდა.

როგორც „ინტერპრესნიუსთან" საუბარში ფეხბურთელის ადვოკატი, გაიოზ ჩარკვიანი აცხადებს, მისი დაცვის ქვეშ მყოფს ჩხუბის პირველ ეპიზოდში მონაწილეობას ედავებიან და ის გამოძიებასთან თანამშრომლობს.

„ჩვენ გამოძიებასთან პირველივე დღიდან ვთანამშრომლობთ. თანამშრომლობა იმაში გამოიხატება, რომ ბოლომდე ვთანამშრომლობთ. მას სისხლის სამართლის კოდექსის 126-ე მუხლის პირველ ნაწილს - ძალადობას ედავებიან. მას ინციდენტის პირველ ეპიზოდში - დაცვასთან ინციდენტში მონაწილეობას ედავებიან", - აცხადებს ჩარკვიანი.