საფრანგეთში ადგილობრივი არჩევნების მეორე ტური მიმდინარეობს. პირველი ტური 15 მარტს გაიმართა, თუმცა კრონავირუსის ეპიდემიის გამო არჩევნების საბოლოოდ დასრულება ვერ მოხერხდა და მეორე ტურის ჩატარება გადაიდო.
საფრანგეთის ადგილობრივ აჩევნებში მოქალაქეები მერებსა და საკრებულოს წევრებს ირჩევენ.
წელს პირველად ხდება, რომ ერთი არჩევნების ორი ტური ამხელა შუალედით იმართება.
„ფრანს პრესის“ ინფორმაციით, არჩევნების მეორე ტური საფრანგეთის მასშტაბით 4,827 ქალაქსა და დასახლებულ პუნქტში იმართება, სადაც პირველ ტურში გადამწყვეტი შედეგი არ დადგა. არჩევნებში მონაწილეობა 16.5 მილიონ ამომრჩეველს შეუძლია.
არჩევნების პირველ ტურში მერობის ის კანდიდატი იმარჯვებს, რომელიც ამომრჩეველთა ხმების 50%-ზე მეტს მოიპოვებს. თუკი ვერცერთი კანდიდატი ხმების საჭირო რაოდენობას ვერ მიიღებს, შემდეგ ტურში ის კანდიდატები უპირისპირდებიან ერთმანეთს, რომლებმაც პირველ ტურში ხმების 10%-ზე მეტი მიიღეს. საფრანგეთის ზოგიერთ ქალაქში მარტში გამართულ პირველ ტურშივე აირჩიეს მერები, რომლებმაც მანდატები უკვე მიიღეს.