აშშ ირანის მიერ დონალდ ტრამპის დაპატიმრების ორდერის გამოცემას პროპაგანდად აფასებს

ირანის მიერ აშშ-ის პრეზიდენტის დონალდ ტრამპისა და კიდევ 35 პირის დაპატიმრების ორდერის გამოცემას ამერიკული მხარე პროპაგანდად აფასებს.

როგორც ირანის საკითხებში აშშ-ის სპეციალურმა წარმომადგენელმა და აშშ-ის სახელმწიფო მდივნის მრჩეველმა ბრაიან ჰუკმა განაცხადა, ამ საკითხს სერიოზულად არავინ აღიქვამს.

„ეს ჩვენ არ გვაკვირვებს. ეს იმ ტიპის პროპაგანდაა, რომელსაც ჩვენ ნამდვილად მივეჩვიეთ. ჩვენი შეფასებით, ინტერპოლი არ ერევა და არ გამოსცემს წითელი ცირკულარით ძებნას იმაზე, რაც ემყარება პოლიტიკურ ხასიათს და ეს არის პოლიტიკური ხასიათის, ამას საერთო არაფერი აქვს ეროვნულ უსაფრთხოებასთან, საერთაშორისო მშვიდობასთან ან სტაბილურობის ხელშეწყობასთან. ასე რომ, ამას ისე განვიხილავთ, როგორც არის - ეს არის პროპაგანდისტული ტრიუკი, რომელსაც არავინ უყურებს სერიოზულად, ირანს კი სულელურად წარმოაჩენს“, - აღნიშნა ჰუკმა საუდის არაბეთში გამართულ პრესკონფერენციაზე.

შეგახსენებთ, დღეს ცნობილი გახდა, რომ ირანმა, იანვარში გენერალ ყასემ სულეიმანზე განხორციელებულ თავდასხმის გამო, აშშ-ის პრეზიდენტ დონალდ ტრამპისა და კიდევ 35 პირის დაპტიმრების ორდერი გასცა და დახმარებისთვის ინტერპოლს მიმართა.

ინფორმაციას მედია ირანელი პროკურორის, ალი ალყასიმერის განცხადებაზე დაყრდნობით ავრცელებს. ალყასიმერის თქმით, დაპატიმრების ორდერი „მკვლელობისა და ტერორისტული ქმედების ბრალდებებით“ გამოიცა.

მისივე თქმით, ირანმა ინტერპოლს სთხოვა, რომ „წითელი ცირკულარი“ აამოქმედოს ტრამპისა და „ისლამური სახელმწიფოს“ იმ პირების მიმართ, რომელთაც სოლეიმანის მკვლელობაში მონაწილეობა ბრალდებათ. პროკურორის თქმით, სიაში მოხვდნენ ამერიკელი სამხედრო და სამოქალაქო მაღალჩინოსნებიც, თუმცა მათი ვინაობა არ დაუკონკრეტებია. მისივე განმარტებით, ირანი გააგრძელებს ამ საკითხის ძიებას ტრამპის პრეზიდენტობის დასრულების შემდეგაც.

შეგახსენებთ, 3 იანვარს ერაყში, ბაღდადის აეროპორტის მახლობლად აშშ-ის სამხედროების მიერ განხორციელებულ ოპერაციას ირანელი სამხედრო მაღალჩინოსანი, გენერალი ყასემ სულეიმანი ემსხვერპლა. ამ ინციდენტის შემდეგ ორ ქვეყანას შორის ურთიერთობები განსაკუთრებით დაიძაბა.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 24.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)