თამარ ჩუგოშვილი - არ ვაპირებ რომელიმე პარტიას შევუერთდე

დამოუკიდებელი დეპუტატი თამარ ჩუგოშვილი არც ერთ პოლიტიკურ პარტიაში გაწევრიანებას არ გეგმავს. ამის შესახებ თამარ ჩუგოშვილმა „პალიტრანიუსის“ გადაცემაში „საღამოს ნიუსრუმი“ განაცხადა. როგორც ჩუგოშვილმა აღნიშნა, მისთვის რომელიმე პოლიტიკურ პარტიაში გაერთიანება ძალიან სერიოზული და მნიშვნელოვანი გადაწყვეტილებაა.

„მე რამდენიმე შეხვედრა და განხილვა მქონდა სხვადასხვა პირებთან, ვინც არჩევნებში აპირებენ პარტიის ფორმით მონაწილეობის მიღებას, მე არ ვარ არც ერთი პარტიის წევრი და სიმართლე გითხრათ, არც ვაპირებ რომელიმე პარტიას შევუერთდე ახლო მომავალში. ჩემთვის პოლიტიკურ პარტიაში შესვლა სერიოზული და მნიშვნელოვანი გადაწყვეტილებაა და ძალიან დარწმუნებული უნდა ვიყო“, - განაცხადა ჩუგოშვილმა.

კითხვაზე მიიღებს თუ არა 2020 წლის საპარლამენტო არჩევნებში მონაწილეობას, ჩუგოშვილმა განაცხადა, რომ ის პოლიტიკურ ცხოვრებაში დარჩენას აპირებს, თუმცა მიიღებს თუ არა არჩევნებში მონაწილეობას, ზუსტად არ იცის.

„არ ვიცი, ვერ გეტყვით. შემიძლია გითრათ ის, რომ ამ ქვეყნის პოლიტიკურ ცხოვრებაში დარჩენას ვაპირებ. ჩემთვის პოლიტიკური სივრცე და ამ ქვეყნის მომავალი ძალიან მნიშვნელოვანია და მთელი ცხოვრება ამ თემებზე ვმუშაობდი. შესაბამისად, მომავალშიც ვაპირებ, რომ ეს იყოს ის სივრცე, სადაც ვაპირებ ჩემი ენერგიის ჩადებას, თუმცა პოლიტიკაში და საჯარო სივრცეში ყოფნა არ გულისხმობს იმას, რომ მაინცდამაინც პარლამენტის წევრი უნდა იყო ადამიანი, პირიქით, ზოგჯერ სხვა ადგილიდან უფრო კარგად შეიძლება საქმის გაკეთება და უფრო სასარგებლო შეიძლება იყო, ვიდრე მაინცდამაინც სადეპუტატო მანდატის ხელში ჭერა. ჩემი იდეაფიქსი არ არის პარლამენტში ყოფნა და რაც შეეხება საქმეს, საქმეს ყველგან გავაკეთებ“, - განაცხადა თამარ ჩუგოშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს