თბილისის საკრებულოს თავმჯდომარე გიორგი ტყემალაძე ამერიკელ ხალხს დამოუკიდებლობის დღეს ულოცავს. ამის შესახებ „ინტერპრესნიუსს“ თბილისის საკრებულოდან აცნობეს.
„საქართველოს სტრატეგიულ პარტნიორს და მეგობარ სახელმწიფოს - ამერიკის შეერთებულ შტატებს ვულოცავ დამოუკიდებლობის დღეს. ჩვენთვის შეუფასებელია ამერიკელი ხალხის მხარდაჭერა და ორმხრივი თანამშრომლობა. ამერიკის შეერთებული შტატები ერთიანი საქართველოს დემოკრატიული განვითარებისა და კეთილდღეობის დიდი მხარდამჭერია, რისთვისაც მადლობას გიხდით!“ - განაცხადა გიორგი ტყემალაძემ.