აია-სოფიას სტატუსის შეცვლა თურქეთის შიდა საქმეა, - ამის შესახებ რუსეთის საგარეო საქმეთა მინისტრის მოადგილემ, სერგეი ვერშინინმა, რუსულ მედიასთან საუბარში განაცხადა.

„ჩვენ ვსაუბრობთ თურქეთის შიდა საქმეზე, რომელშიც, რა თქმა უნდა, არც ჩვენ და არც სხვები უნდა ჩავერიოთ. ამავე დროს, ჩვენ ყურადღებას ვაქცევთ მის, როგორც მსოფლიო კულტურისა და ცივილიზაციის ობიექტის მნიშვნელობას,“ - განაცხადა ვერშინინმა.

შეგახსენებთ, 10 ივლისს თურქეთის სასამართლომ გააუქმა ქვეყნის მთავრობის 1934 წლის გადაწყვეტილება, რომლის მიხედვითაც, აია სოფია მუზეუმად გადაიქცა. დღეისათვის კი ის კვლავ მეჩეთად გადაკეთდა. რამდენიმე დღის წინ თურქეთის პრეზიდენტმა რეჯეფ თაიფ ერდოღანმა განაცხადა, რომ აია-სოფია მორწმუნეებისთვის 24 ივლისს გაიხსნება.