გიორგი მიქაუტაძე კრისტიან ურსეს შეხვდა
იუსტიციის უმაღლესი საბჭოს მდივანი საქართველოში ევროპის საბჭოს ოფისის ხელმძღვანელს შეხვდა.
როგორც „ინტერპრესნიუსს“ იუსტიციის უმაღლესი საბჭოდან აცნობეს, გიორგი მიქაუტაძემ და კრისტიან ურსემ გამოსამშვიდობებელ შეხვედრაზე ყველა მნიშვნელოვანი ერთობლივი პროექტი მიმოიხილეს და სამომავლო პარტნიორობის გაგრძელების აუცილებლობაზე ისაუბრეს.
აუდიენციაზე იუსტიციის უმაღლესი საბჭოს მდივანმა სასამართლო სისტემის განვითარების პროცესში ევროპის საბჭოს განსაკუთრებული როლი აღნიშნა. გიორგი მიქაუტაძემ ქრისტიან ურსეს გაწეული სამუშაოსთვის მადლობა გადაუხადა და იმედი გამოთქვა, რომ საქართველოში ევროპის საბჭოს ოფისთან გამორჩეული, საქმიანი და მჭიდრო თანამშრომლობა მომავალშიც გაგრძელდება.
