დიეგო კოლასი - გარდამავალი რეჟიმის იდეა, როდესაც შეზღუდვების დასაწესებლად, გამონაკლისი ძალაუფლება ჯერ კიდევ მინიჭებული აქვს მთავრობას, ჩემთვის პრობლემას არ წარმოადგენს

ერთგვარად გარდამავალი რეჟიმის იდეა, როდესაც გარკვეულწილად გამონაკლისი ძალაუფლება ჯერ კიდევ მინიჭებული აქვს მთავრობას შეზღუდვების დასაწესებლად, ჩემთვის პრობლემას არ წარმოადგენს, - ამის შესახებ საქართველოში საფრანგეთის ელჩმა დიეგო კოლასმა „ინტერპრესნიუსთან“ განაცხადა.

ელჩმა ამასთანავე აღნიშნა, რომ ენდობა საქართველოს დემოკრატიულ ინსტიტუტებს, რომლებმაც ბალანსი უნდა გამონახონ, რათა ამ საკანონმდებლო ცვლილების ბოროტად გამოყენება არ მოხდეს.

„ახლა ყველა ხელისუფლება ერთი და იმავე გამოწვევის წინაშე დგას. ჩვენ უნდა ვებრძოლოთ იმას, რაც დარჩა პანდემიისგან და ასევე, შევქმნათ ისეთი პირობები, რომლებიც ნორმალური ცხოვრების წესთან დაბრუნებაში დაგვეხმარება. ვფიქრობ, ისეთ ადგილებში, როგორიც საქართველოა ან საფრანგეთი, სადაც არსებული ვითარებიდან გამომდინარე, საგანგებო მდგომარეობის დაწესება საჭირო აღარაა, რადგან კრიზისის ამდენად მწვავედ აღარ დგას, მაგრამ არც ნორმალურ ცხოვრებას დავბრუნებივართ ჯერ და ერთგვარად გარდამავალი რეჟიმის იდეა, როდესაც გარკვეულწილად გამონაკლისი ძალაუფლება ჯერ კიდევ მინიჭებული აქვს მთავრობას შეზღუდვების დასაწესებლად, ჩემთვის პრობლემას არ წარმოადგენს. ეს უფრო მეტად პროპორციულობისა და ამ კანონმდებლობის განხორციელების საკითხია. ამ საკანონმდებლო ცვლილებების დეტალები არ ვიცი, თუმცა ზოგადად დემოკრატიულ სისტემას ვენდობი. ვფიქრობ, რომ თუ ამ მიმართულებით კრიტიკა არის გამოთქმული, ის უნდა იყოს გამოთქმული, ვფიქრობ, რომ ეს კრიტიკა უნდა მოისმინონ, რათა შესაბამისი ბალანსი გამოინახოს და რა თქმა უნდა მჯერა, რომ საქართველოს დემოკრატიული ინსტიტუტები ამ ბალანსს იპოვიან და ასევე, განახორციელებენ მას იმგვარად, რომ არ მოხდეს ბოროტად გამოყენება“, - განაცხადა დიეგო კოლასმა.

ცნობისთვის, მთავრობას საგანგებო მდგომარეობის გამოცხადების გარეშე, შემზღუდავი ღონისძიების გამოყენების უფლება 2020 წლის ბოლომდე გაუხანგრძლივდა. პარლამენტმა „საზოგადოებრივი ჯანმრთელობის შესახებ“ კანონში შესატანი ცვლილებების პროექტი 79 ხმით დაამტკიცა.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო