ქავთარაძის N72-ში ახალი დასასვენებელი სივრცის მოწყობა მიმდინარეობს

ვაკის რაიონის გამგეობის ინფრასტრუქტურული პროექტების ფარგლებში ქავთარაძის N72-ში დასასვენებელი სივრცე ეწყობა.

სკვერში განთავსდება საბავშვო ზონა კომპლექსური ატრაქციონებით, დამონტაჟდება სხვა შესაბამისი ურბანული ავეჯი, დაირგვება მცენარეები. სამუშაოების მიმდინარეობისას ადგილობრივ მცხოვრებლებს ვაკის რაიონის გამგებელი ნოდარ ტურძელაძე შეხვდა.

“გარკვეული დროის განმავლობაში, ამ მისამართზე მოსახლეობას სხვადასხვა თხოვნა ჰქონდა. შედგა რამდენიმე შეხვედრა. ადგილობრივების აქტიური ჩართულობით და მათი შეხედულებების გათვალისწინებით, დაიგეგმა რამდენიმე ინფრასტრუქტურული პროექტი. მალე ეზოში კეთილმოეწყობა დასასვენებელი სივრცე, ასევე, განახლდება ბინათმესაკუთრეთა ამხანაგობის სხვა საერთო ინფრასტრუქტურა. გარდა ამისა, აღნიშნული პროექტების დაფინანსების შედეგად, მათ საერთო ანგარიშზე დაგროვდება გარკვეული თანხა, რასაც ასევე, საკუთარი საერთო ქონების მოწესრიგებას მოახმარენ”, - განაცხადა ნოდარ ტურძელაძემ.

დედაქალაქის მერიის ინფორმაციით, კეთილმოწყობილი დასასვენებელი სივრცის მოწყობის პროექტის ღირებულება 125 500 ლარს შეადგენს. გარდა ამისა, ამავე მისამართზე გამგეობის მიერ დაფინანსდა კორპუსის ოთხივე სადარბაზოს საერთო სარგებლობის კიბეების განახლება, რაზეც გამგეობის ბიუჯეტიდან 35 000 ლარი დაიხარჯება და წყალარინების ქსელის რეაბილიტაციია, რაზეც 5 000 ლარია გამოყოფილი. კორპუსების უკანა ფერდობზე კი, კიბის მოწყობაა დაგეგმილი.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი