შსს-ში აცხადებენ, რომ მარნეულში მოსამართლის განჩინების საფუძველზე ატარებდნენ საგამოძიებო მოქმედება-ჩხრეკას, რაშიც მოსახლეობამ ხელი შეუშალა
შინაგან საქმეთა სამინისტროში აცხადებენ, რომ მარნეულის მუნიციპალიტეტის ერთ-ერთ სოფელში, სამართალდამცველები მოსამართლის განჩინების საფუძველზე საგამოძიებო მოქმედება-ჩხრეკას ატარებდნენ.
უწყების ინფორმაციით, მოსახლეობამ საგამოძიებო მოქმედების ჩატარებაში პოლიციას ხელი შეუშალა.
"სისხლის სამართლის საქმეზე მიმდინარე გამოძიების ფარგლებში მოსამართლის განჩინების საფუძველზე სამართალდამცავები ატარებდნენ საგამოძიებო მოქმედება-ჩხრეკას, ადგილზე შეკრებილმა მოსახლეობამ პოლიციას ხელი შეუშალა საგამოძიებო მოქმედების ჩატარებაში.
ფაქტზე დაიწყო გამოძიება სისხლის სამართლის კოდექსის 353-ე მუხლის მეორე და 381 მუხლის პირველი ნაწილით",- აცხადებენ შსს-ში.
ცნობისთვის, დღეს სოციალურ ქსელში გავრცელდა ვიდეო-მასალა. ავტორების მტკიცებით, მარნეულის სოფელ არაფლოში, ერთ-ერთი სახლში ჩხრეკის დროს პოლიციელმა ნარკოტიკული საშუალება ჩადო.
v-if="article.gallery" v-html="article.gallery"
