შაქარაშვილის გარდაცვალების საქმეზე არასრულწლოვანი პირის გამოკითხვა დასრულდა
შსს-ში გიორგი შაქარაშვილის გარდაცვალების საქმესთან დაკავშირებით 18 ივნისის წვეულებაში მონაწილე ერთ-ერთი არასრულწლოვანი პირის ნ.ხ-ს გამოკითხვა დასრულდა. როგორც გამოკითხვის დასრულების შემდეგ არასრულწლოვნის ადვოკატმა ანა ჟღენტმა ჟურნალისტებს განუცხადა, მისი დაცვის ქვეშ მყოფთან მიმართებით შსს-ში კითხვები არ დასმულა და საგამოძიებო მოქმედებები არასრულწლოვნის კუთვნილ ტელეფონში არსებული მიმოწერის მიზნით ჩატარდა.
"არანაირი კითხვები არ დასმულა.უბრალოდ, მოსამართლის განჩინებით იყო საგამოძიებო მოქმედება იმისათვის, რომ დათვალიერებულიყო სოციალური ქსელები და ჩემი დაცვის ქვეშ მყოფის ტელეფონის მიმოწერა. ჩვეულებრივად, კანონის ყოველგვარი დაცვით ჩატარდა აღნიშნული საგამოძიებო მოქმედება. ჩემ დაცვის ქვეშ მყოფთან მიმართებით აბსოლუტურად არაფერი იკვეთება", - განაცხადა ანა ჟღენტმა.
მისივე განმარტებით, ამ ეტაპზე დამატებით კითხვებს ვერ უპასუხებს და საგამოძიებო მოქმედებების შესახებ ყველაფერი ცნობილი გახდება საზოგადოებისთვის.
ამასთან, შსს-ში გამომძიებლების კითხვებს ამ დრომდე პასუხობს ანა გაბეჩავა.
This is a modal window.
v-if="article.gallery" v-html="article.gallery"
