ცხინვალის ე.წ. სამხედრო პროკურორი - ზაზა გახელაძემ უგულებელყო მესაზღვრეების კანონიერი მოთხოვნები და გაქცევა სცადა, მან ხუთჯერ გაისროლა

ზაზა გახელაძემ უგულებელყო მესაზღვრეების კანონიერი მოთხოვნები და გაქცევა სცადა, მან ერთ-ერთიმესაზღვრის მისამართით სულ მცირე ხუთჯერ გაისროლა, - სააგენტო „რეს“-ის ინფორმაციით, ამის შესახებ ოკუპირებული ცხინვალის ე.წ. სამხედრო პროკურორმა ტიგრან კაბულოვმა განაცხადა. მისივე თქმით, ზაზა გახელაძემ ე.წ. სამხრეთ ოსეთის საზღვარი უკანონონ გადაკვეთა.

„გახელაძემ უკანონოდ გადაკვეთა საზღვარი და თან ჰქონდა თოფი. მესაზღვრეებმა ის შენიშნეს და შეჩერება უბრძანეს, გახელაძემ კი მიმალვა სცადა. მესაზღვრეებმა მას „შეჩერება” უბრძანეს, თუმცა გახელაძემ უგულებელყო მესაზღვრეების კანონიერი მოთხოვნები და გაქცევა სცადა, მან ასევე გამოიყენა ცეცხლსასროლი იარაღი და ერთ-ერთი მესაზღვრის მიმართულებით სულ მცირე ხუთჯერ გაისროლა,” - განაცხადა კაბულოვმა.

მისივე თქმით, „მესაზღვრეებმა“ ზაზა გახელაძეს საპასუხო ცეცხლი გაუხსნეს, რა დროსაც ის ტერფში დაიჭრა.

„იგი დააკავეს და იმყოფება კარანტინში, ეს ზომა მიღებულია, რათა დადასტურდეს, რომ ის კორონავირუსით დაინფიცირებული არ არის,”- აღნიშნა ე.წ. „პროკურორმა“.

მისივე თქმით, გახელაძის წინააღმდეგ საქმე სამხედროს სიცოცხლის ხელყოფის მცდელობისა და „სახელმწიფო საზღვრის უკანონო გადაკვეთის ბრალდებით“ აღიძრა.

ცნობისათვის, ზაზა გახელაძის დაკავების ფაქტს გუშინ ოკუპირებული ცხინვალის ე.წ. „უშიშროების კომიტეტიც“ გამოეხმაურა და აღნიშნა, რომ სიტუაციის გარშემო მაქსიმალური აჟიოტაჟის ასატეხად „ქართული მხარე“ „ფარისევლურად იყენებს“ გახელაძის ოჯახის წევრებს და მათ კომენტარებს.

„სამხრეთ ოსეთის რესპუბლიკის სუვერენიტეტის უარყოფის პოლიტიკით ქართული მხარე საკუთარ თავს კონფლიქტური სიტუაციების ცივილურად გადაჭრის ყველა შესაძლებლობას ართმევს და შემდეგ აქტიურად წარმოაჩენს თავის აბსურდულ პრეტენზიებს,“- აღნიშნულია ე.წ. „უშიშროების კომიტეტის“ განცხადებაში.

შეგახსენებთ, ოკუპანტებმა ზაზა გახელაძე 11 ივლისს დააკავეს.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
იურიდიული პირები პროკრედიტ ბანკში ანგარიშებს დისტანციურად გახსნიან