ბადრი ჯაფარიძე - გაცვეთილი დაპირებები და ძველი სახეები - „ოცნებამ“ ამოწურა არა მხოლოდ იდეების, არამედ ადამიანების რესურსიც

სამწუხაროდ, ჩვენი მოლოდინი გამართლდა და მმართველ ძალას ქვეყანაში არსებული მდგომარეობის უკეთესობისკენ შეცვლის რესურსი არ გააჩნია, - ასე გამოეხმაურა „ლელო საქართველოსთვის“ გენერალური მდივანი ბადრი ჯაფარიძე „ქართული ოცნების“ მაჟორიტარი დეპუტატების კანდიდატების წარდგენას.

როგორც ჯაფარიძე აცხადებს, მმართველ გუნდს ქვეყანაში არსებული მდგომარეობის უკეთესობისკენ შეცვლის რესურსი აღარ გააჩნია.

„ჩვენ დღეს ვნახეთ ძველი რიტორიკა და საზოგადოების თვალში დისკრედიტირებულია სახეები. მოვისმინეთ გაცვეთილი დაპირებები. "ქართული ოცნების" დღევანდელი პრეზენტაცია კიდევ ერთი დასტურია, რომ ეს ძალა ხელისუფლებიდან უნდა წავიდეს. საზოგადოებამ დაინახა, რომ ამ ძალას არავითარი რესურსი აღარ აქვს ქვეყნის სამართავად.

„ქართულ ოცნებას“ არ აქვს და შესაბამისად, ვერც საუბრობს საკუთარ მიღწევებზე. ამიტომ მიმართავს მათ მიერ უკვე აპრობირებულ ტაქტიკას, რომელიც აღარ გაჭრის. ფაქტია, ვერაფერს ახალს ვერ ამბობენ თავიანთი მმართველობის პერიოდზე და ისევ და ისევ საუბრობენ იმ პერიოდზე, რომელიც 8 წლის წინ წარსულს ჩაბარდა. ეს ხელისუფლება არის ქვეყნის რეგრესის ავტორი, რომელმაც ქვეყნისთვის ვერაფერი სასარგებლო ვერ გააკეთა. „ოცნებამ“ ამოწურა არა მხოლოდ იდეების რესურსი, არამედ ადამიანების რესურსიც. როდესაც ჩვენ ვსაუბრობთ პარლამენტისთვის წარსადგენ კადრებზე, პირველი მახასიათებელი უნდა იყოს მათი გამოცდილება, ცოდნა, კომპეტენცია, თუმცა ჩვენ ვხედავთ, რომ ოცნების კანდიდატთა შერჩევის ძირითადი პრინციპი არის პარტიის თავმჯდომარის მიმართ ლოიალური დამოკიდებულება“, - განაცხადა ბადრი ჯაფარიძემ.

აღნიშნულ ინფორმაციას „ლელო საქართველოსთვის“ პრესსამსახური ავრცელებს.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა