მარიამ ქვრივიშვილი - გარკვეულ კურორტებზე პარასკევი-კვირის პერიოდში დატვირთულობის კოეფიციენტმა 70%-დან 80%-მდე მიაღწია

ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელის, მარიამ ქვრივიშვილის შეფასებით, შიდა ტურიზმი იმ საერთაშორისო მოგზაურების მოცულობას ვერ ჩაანაცვლებს, რაც საქართველოს წინა წლებში ჰქონდა.

ქვრივიშვილის განმარტებით, მიუხედავად ყველაფრისა, ბოლო პერიოდში შიდა ტურიზმზე მოთხოვნა გაიზარდა და გარკვეულ ტურისტულ ზონებში დატვირთვის კოეფიციენტი 70%-დან 80%-მდე გაიზარდა.

„რა თქმა უნდა, შიდა ტურიზმი ვერ ჩაანაცვლებს იმ საერთაშორისო მოგზაურების მოცულობას, რაც ჩვენ გვქონდა, მათ შორის, გასულ წლებში, თუმცა ჩვენ ყველა ერთად ვხედავთ, რომ შიდა ტურიზმი ჩვენს ქვეყანაში ძალიან პოზიტიური და მზარდი ტრენდია. მოხარულები ვართ, რომ ბოლო სტატისტიკებით გარკვეულ კურორტებზე, სადაც, რა თქმა უნდა, უფრო მეტად ჭარბია ტურისტული ინფრასტრუქტურა, განსაკუთრებით შაბათი-კვირა, პარასკევის პერიოდში დატვირთულობის კოეფიციენტმა 70%-დან 80%-მდე მიაღწია. უკუკავშირი გვაქვს სასტუმროებთან, მათთან ყოველდღიურ რეჟიმში ვურთიერთობთ და ძალიან სასიხარულოა, როდესაც ვხედავთ, რომ ჩვენ ერთობლივი ძალისხმევით, გავუღვივეთ ჩვენს მოქალაქეებს საქართველოში მოგზაურობის სურვილი. მოლოდინი კიდევ უფრო პოზიტიური და ოპტიმისტური გვაქვს და ველოდებით, რომ შიდა ტურიზმზე მოთხოვნა კიდევ უფრო გაიზრდება“, - განაცხადა ქვრივიშვილმა.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს