უკრაინის შს მინისტრი ჟურნალისტებს მოუწოდებს, მოზომილად გაავრცელონ ინფორმაცია ეჭვმიტანილზე

უკრაინის შინაგან საქმეთა მინისტრმა არსენ ავაკოვმა ლუცკში, სადაც დამნაშავემ ადამიანები მძევლად აიყვანა, ჟურნალისტებს მოუწოდა, გაწონასწორებულად გადასცენ ინფორმაცია და მოზომილი იყვნენ კომენტარების დროს. ამის შესახებ „ინტერფაქს-უკრაინა“ იუწყება.

„მას ხელში სმარტფონი უკავია. მას შეუძლია უყუროს და მოისმინოს ჩვენი კომენტარები. მინდა, რომ თითოეული მათგანი იქცეოდეს როგორც ზრდასრული პასუხისმგებლიანი ადამიანი“ , - განაცხადა ავაკოვმა.

შს მინისტრმა არასანდო უწოდა ინფორმაციას იმის შესახებ, რომ ეჭვმიტანილი ფსიქიატრიულ საავადმყოფოში მკურნალობდა. მისი თქმით, მომლაპარაკებლები უკვე ესაუბრნენ მის ნათესავებს, მეუღლეს და მეგობრებს.

ავაკოვის თქმით, სამართალდამცველები ყველა მეთოდს იყენებენ, რათა ეს პროცესი მშვიდობიანად დასრულდეს.

უკრაინის უშიშროების საბჭოს ხელმძღვანელის პირველმა მოადგილემ რუსლან ბარანეცკიმ განაცხადა, რომ „მიმდინარეობს მოლაპარაკებები, არის ურთიერთგაგება... ყველაფერი ნორმალურად გადაწყდება“.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ნიუ ჰაუსი“ მომხმარებელს 27-თვიან შიდა უპროცენტო განვადებას სთავაზობს - იცხოვრე კომფორტულ გარემოში