გიორგი შაქარაშვილის საქმესთან დაკავშირებით შინაგან საქმეთა სამინისტროში, გამოკითხვაზე ანა გაბეჩავა და დიჯეი კონსტანტინე (კოკო) ღიბრაძე იმყოფებიან. ანა გაბეჩავა შსს-ში ადვოკატთან ერთად მივიდა.

შესვლამდე კომენტარი არ გაუკეთებიათ არც ანა გაბეჩავას და არც მის ადვოკატს, მათ მხოლოდ ის აღნიშნეს, რომ უწყებაში დამატებითი გამოკითხვისთვის დაიბარეს.

ცნობისთვის, 19 წლის ფეხბურთელის, გიორგი შაქარაშვილის გარდაცვალების საქმეზე 17 პირს აღკვეთის ღონისძიების სახით პატიმრობა აქვს შეფარდებული. ისინი ბრალს არ აღიარებენ.