სირიის საპარლამენტო არჩევნებში ბაშარ ასადის პარტიამ გაიმარჯვა

სირიაში გამართულ საპარლამენტო არჩევნებში პრეზიდენტ ბასარ ასადის პარტიამ „ბაასი“ და მისმა მოკავშირეებმა გაიმარჯვეს, - ამის შესახებ ინფორმაციას „დოიჩე ველე“ სირიის ხელისუფლების მიერ გავრცელებულ მონაცემებზე დაყრდნობით ავრცელებს.

გამოცემის ცნობით, კოალიციამ „ეროვნული ერთობა“, რომელშიც ბასარ ასადის პარტია და მისი მოკავშირეები შედიან, საკანონმდებლო ორგანოს 250 ადგილიდან 177 მოიპოვა.

არჩევნებში ამომრჩევლების აქტივობამ 33% პროცენტი შეადგინა, გახსნილი იყო 7 000-ზე მეტი საარჩევნო უბანი.

აშშ-ის სახელმწიფო დეპარტამენტის შეფასებით, არჩევნები არასამართლიანი და ფალსიფიცირებული იყო.

„ასადის რეჟიმმა გაყალბებული არჩევნები ჩაატარა, რომელიც არც თავისუფალი იყო და არც სამართლიანი. სირიელ ხალხსა და მსოფლიოს ასადის კორუფციისა და რეპრესიის ამ უკანასკნელი მაგალითით ვერ მოატყუებენ,“- განაცხადა აშშ-ის სახელმწიფო დეპარტამენტის პრესსპიკერმა მორგან ორტაგუსმა.

შეგახსენებთ, სირიაში საპარლამენტო არჩევნები 19 ივლისს გაიმართა. არჩევნების ჩატარება აპრილში იყო დაგეგმილი, თუმცა, კორონავირუსის ეპიდემიის გამო ის ორჯერ გადაიდო.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ციტადელი“ მომხმარებელს ახალ შოურუმში ეპატიჟება
როგორ ვისარგებლოთ თიბისი ფეის აპლიკაციით
კრედო ბანკსა და ევროპის საინვესტიციო ბანკს შორის მიკრო, მცირე და საშუალო ბიზნესების ხელშესაწყობად 36 მილიონი ლარის მოცულობის საფინანსო ხელშეკრულება გაფორმდა