ჩინეთის ორი პროვინციიდან, წყალდიდობის გამო, ათასობით ადამიანია ევაკუირებული

ჩინეთის ანჰუისა და ჰუბეის პროვინციებიდან, წყალდიდობისა და მეწყერის გამო, ათასობით ადამიანის ევაკუირება განხორციელდა, - ამის შესახებ ინფორმაციას ადგილობრივი მედია ავრცელებს.

მათივე ინფორმაციით, ანჰუის პროვინციის ქალაქ გუჯეიდან, სადაც ძლიერმა წვიმამ მდინარის ადიდება გამოიწვია, 16 000-მდე ადამიანია ევაკუირებული.

„ჩინეთის გლობალური ტელევიზიის ქსელის“ ცნობით, დატბორილია 13 სოფელი, ელექტროენერგიის გარეშე კი მთელი რეგიონია დარჩენილი.

ჰუბეის პროვინციიდან კი, სადაც მეწყერმა მდინარე ჩაკეტა და ქალაქ ენშისა და მეზობელი სოფლების ჩაძირვის საშიშროება შექმნა, 8 000-ზე მეტი ადამიანია ევაკუირებული.

ცნობისათვის, სეზონური წვიმები ჩინეთის ტერიტორიის უმეტეს ნაწილზე პრობლემებს თითქმის ყოველ წელს ქმნის. წყალდიდობის გამო, მიმდინარე წლის ივლისის დასაწყისიდან ჩინეთის 24 პროვინციიდან დაახლოებით 1.8 მილიონი ადამიანია ევაკუირებული.

იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
ქართული პრესის მიმოხილვა 07.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ახალი Galaxy Note 20 და Note 20 Ultra წინასწარი შეკვეთა დაიწყო
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში