გიორგი შაქარაშვილის გარდაცვალების საქმეზე შინაგან საქმეთა სამინისტროში დიჯეი კონსტანტინე (კოკო) ღიბრაძე მივიდა. მას მედიის წარმომადგენლებთან კომენტარი არ გაუკეთებია. შესაბამისად, უცნობია თუ რატომ მოხდა მისი საგამოძიებო უწყებაში დაბარება. კონსტანტინე ღიბრაძესთან ერთად უწყებაში იმყოფება დაბადების დღის ორგანიზატორი ანა გაბეჩავაც.
მისი ადვოკატის განცხადებით, დღეს ანა გაბეჩავას გამოკითხვა არ იგეგმება და გამოძიებამ გარკვეული ვიდეომასალები უნდა მიმოიხილოს. ამასთან, შინაგან საქმეთა სამინისტროში იმყოფება საქმის ერთ-ერთი ოქროს მოწმე გურამ ამირხანაშვილი, რომელმაც არასრულწლოვანი ზ.ხ. უნდა ამოიცნოს.