ფრაქცია "ქართული ოცნების" თავმჯდომარე რატი იონათამიშვილი "ჩვენი საქართველო - სოლიდარობის ალიანსის" ბრალდებებს შინაგან საქმეთა მინისტრის მიმართ „არასერიოზულს“ უწოდებს.
როგორც იონათამიშვილმა განაცხადა, შსს არჩევნების საკითხში „რა თქმა უნდა, არ ერევა და ეს არასერიოზულია“.
"ეს იმდენად არასერიოზული და შეთხზული გზავნილია, მართლა მეუხერხულება სერიოზულად მივიღო და კომენტარი გავაკეთო ამ საკითხზე,"- განაცხადა იონათამიშვილმა.
ცნობისთვის, "ჩვენი საქართველო - სოლიდარობის ალიანსი" შინაგან საქმეთა მინისტრ ვახტანგ გომელაურის გადადგომას ითხოვენ. როგორც დღეს პარტიის ოფისში გამართულ ბრიფინგზე განაცხადეს, შინაგან საქმეთა სამინისტრო დანაშაულის გამოძიებასა და პრევენციაზე არ მუშაობს და პოლიციის პოლიტიზირება და წინასაარჩევნოდ გამოყენება ხდება, რაზეც ბათუმის მაჟორიტარობის კანდიდატად რესან კონცელიძის წარდგენაც მოწმობს.