შსს-სთან აქციის ერთ-ერთი მონაწილის განცხადებით, დაპირება მიიღეს, რომ შს მინისტრი რამდენიმე დღეში შეხვდება

საქართველოს შინაგან საქმეთა სამინისტროსთან შეკრებილმა აქციის მონაწილეებმა დაშლის გადაწყვეტილება მიიღეს.

როგორც გარდაცვლილი ნიკა პავლიაშვილის მამამ, რამაზ პავლიაშვილმა ჟურნალისტებს განუცხადა, მათ დაპირდნენ, რომ რამდენიმე დღეში მათ შს მინისტრი, ვახტანგ გომელაური შეხვდება.

"უშუალოდ მინისტრთან მინდა შეხვედრა, მივმართე აქ კომპეტენტურ, პასუხისმგებელ პირს - საპატრულოს წარმომადგენელს, ჯოხაძეს ვესაუბრე. ჩემი ტელეფონის ნომერი ჩაიწერეს და 2-3 დღეში შეხვედრას შემპირდნენ. დაგირაკავენ და შეგხვდებაო, ასე მითხრეს. მაქსიმუმ, ორშაბათამდე ვაძლევ დროს. მოვალ ორშაბათს და თუ არ შემხვდება, მერე, მე ვიცი. დღეს ამით შემოვიფარგლები", - განაცხადა პავლიაშვილმა.

ამ წუთებში აქციის მონაწილეები სამინისტროს მიმდებარე ტერიტორიას ტოვებენ, ადგილზე კვლავ რჩებიან სამართალდამცავები.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს